Sunday, December 4, 2022
Aviabiletebi Avia.ge
მთავარიახალი ამბებიდეკანოზ მამალაძის საქმე - ნახეთ რა გადაწყვეტილება მიიღო სასამართლომ

დეკანოზ მამალაძის საქმე – ნახეთ რა გადაწყვეტილება მიიღო სასამართლომ

spot_imgspot_img

3 წლიანი განხილვა ევროსასამართლოში დასრულდა – დეკანოზ მამალაძის საქმეზე გადაწყვეტილება 3 ნოემბერს გამოცხადდება.

დეკანოზი გიორგი მამალაძის ადვოკატები კონვენციის მე-6 მუხლის დარღვევებზე მიუთითებენ. სწორედ ამ დარღვევებზე მსჯელობდა სტრასბურგი სამი წლის განმავლობაში.

კერძოდ, დაცვის მხარეს პრეტენზიები აქვს- რამდენად სამართლიანად განიხილა სასამართლომ გიორგი მამალაძის საქმე და რამდენად სამართლიანად მოიპოვა პროკურატურამ მტკიცებულებები; ასევე – სამართლიანი იყო თუ არა გადაწყვეტილება საქმის გასაიდუმლოებასა და სასამართლო  პროცესების დახურვაზე და დაირღვა თუ არა მამალაძის მიმართ უდანაშაულობის პრეზუმცია, ვინაიდან სასამართლოს განაჩენამდე მამალაძის წინააღმდეგ ორკესტრირებული შეტევა და შავი პიარი აგორდა, რომელშიც საპატრიარქოც აქტიურად იყო ჩართული. მამალაძეს გაუვრცელეს ფარული ჩანაწერებიც.

თუ სტრასბურგის სასამართლო  დაადგენს, რომ საქართველოს ხელისუფლებამ პატიმარ მღვდელს სამართლიანი სასამართლოს უფლებაა წაართვა, ხელისუფლებას მისი ციხიდან გათავისუფლება მოუწევს.

გადაწყვეტილებას, რომელიც ევროსასამართლომ 3 ნოემბერს უნდა გამოაცხადოს, 3 თვის განმავლობაში სტრასბურგში დარჩება, კიდევ ერთხელ გადაიხედება და საბოლოო გადაწყვეტილებას მინისტრთა კომიტეტი მიიღებს.

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს ე.წ. ციანიდის საქმეზე. სასამართლომ იგი დამნაშავედ ცნო კათოლიკოს-პატრიარქის მდივან-რეფერენტის, შორენა თეთრუაშვილის მკვლელობის მომზადებასა და იარაღის უკანონოდ შეძენა-შენახვაში და 9 წლით პატიმრობა მიუსაჯა.

დეკანოზი მამალაძე ბრალს არ აღიარებს. მან ამ წლების განმავლობაში ციხეში არაერთხელ მიმართა პროტესტის უკიდურეს ფორმას, რამაც მისი ჯანმრთელობა მნიშვნელოვნად დააზიანა. ოჯახის ინფორმაციით, მამალაძეს დამოუკიდებლად გადაადგილება აღარ შეუძლია.

Facebook კომენტარები
spot_imgspot_img
მსგავსი
spot_img

პოპულარული

დაკოპირება ისჯება კანონით!