სურნელი, რომელიც თქვენს სახლში ტრიალებს რემონტსა და ავეჯზე არანაკლებ მნიშვნელოვან როლს ასრულებს. სიახლის სუნი მაცხოვრებელთა კეთილდღეობას განსაზღვრავს. ბინაში არსებული უსიამოვნო სუნი კი საპირისპირო შედეგს გვაძლევს. რა უნდა გააკეთოთ თუ ბინაში არის უსიამოვნო სუნი, რომელსაც ვერ ვუმკლავდებით? ბევრჯერ გიცდიათ ოთახის ვენტილაცია, მაგრამ ამაოდ? ქვემოთ მოცემული რჩევების წყალობით, თქვენ შეძლებთ პრობლემების მოგვარებას თავად, პროფესიონალების დახმარების გარეშე.
ბინაში სუნის გაჩენის მიზეზი
სანამ ბინაში უსიამოვნო სუნის აღმოფხვრას დაიწყებთ, თავდაპირველად მისი წარმოშობის მიზეზი უნდა გაარკვიოთ. ყველაზე ხშირად ადამიანებს შემდეგი სახის სუნებთან უწევთ გამკლავება:
- შინაური ცხოველების
- დამწვარი საკვების
- თამბაქოს კვამლის
- საპირფარეშოს სუნი.
ბინის გამოკვლევა სუნის წყაროების დასადგენად
სანამ ბინაში უსიამოვნო სუნს დამოუკიდებლად აღმოფხვრით, მოგიწევთ ნივთების მოწესრიგება და იმ ადგილების საფუძვლიანად შემოწმება, სადაც წყაროს არსებობის შანსია. სავარაუდოა, რომ საერთოდ არ დაგჭირდებათ სპეციალური საწმენდი საშუალებების ან სურნელოვანი აეროზოლის გამოყენება, რადგან საკმარისი იქნება მოაშოროთ წყარო, რომელიც უსიამოვნო სუნს წარმოქმნის, რის შემდეგაც ბინის უბრალოდ განიავება საკმარისი იქნება.
უსიამოვნო სუნთან ბრძოლის მეთოდები
უნდა გვესმოდეს, რომ სახლში სასიამოვნო სუნი, პირველ რიგში, სისუფთავით იწყება. ასეთ პრობლემებს ხშირად აწყდებიან ის დიასახლისებიც, რომლებიც განსაკუთრებულ სიფრთხილეს იჩენენ. თუ საკანალიზაციო სისტემაში ყველაფერი იდეალურადაა და პირველ რიგში, სრულიად განსხვავებული პრობლემების აღმოფხვრა არ არის საჭირო, ამ პრობლემასთან პროფესიონალის დახმარების გარეშე გამკლავება რთული სულაც არ იქნება. თქვენი ერთგული თანაშემწეები ამ საკითხში იქნება ყველაზე გავრცელებული ხელსაწყოები, რომლებსაც სახლში ან უახლოეს აფთიაქში იპოვით.
ბინიდან უსიამოვნო სუნის საბოლოოდ მოსაშორებლად, დაგჭირდებათ „დასუფთავების“ პროდუქტების შემდეგი ჩამონათვალი:
- ნახშირი
- ყავის მარცვლები
- არომატული ზეთი
I ვარიანტი
ნახშირს შესანიშნავი შთამნთქმელი თვისებები აქვს. ამ აბებს, რომლებიც უმეტესი ჩვენგანის პირველადი დახმარების ნაკრებია, შეუძლია შთანთქას არა მხოლოდ მავნე ნივთიერებები, რომლებიც ადამიანის ორგანიზმშია, არამედ სუნიც. საჭიროა მხოლოდ რამდენიმე შეკვრა ნახშირის მოთავსება იმ ადგილებში, სადაც უსიამოვნო სუნი დაგროვდა.
II ვარიანტი
შესაძლოა, ყავის მარცვლები სასარგებლო იყოს არა მხოლოდ არომატული სასმელის მოსამზადებლად, არამედ სუნის შთანთქმისთვისაც. მათი ორიგინალურ დეკორატიულ ელემენტად ქცევაც შეიძლება, თუ მარცვლებს საინტერესო ფორმის მქონე ჭიქებში ჩაყრით. სავსებით საკმარისია მარცვლების ყოველ ათ დღეში ახლით ჩანაცვლება და თქვენს სახლში იტრიალებს ახლად მოხარშული ყავის ღვთაებრივი არომატი, რომელიც ყველა არსებულ უსიამოვნო სუნს ჩაახშობს.
III ვარიანტი
ამ მეთოდის გამოყენებისას თქვენ საერთოდ არ გჭირდებათ ოთახებში რაიმეს განთავსება. სახლში სველი წმენდის ჩატარება საკმაოდ მარტივია – უბრალოდ არსებული ზედაპირები გაწმინდეთ სპეციალური ხსნარით, რომლის მომზადებას თავადაც მარტივად შეძლებთ. ამისათვის აიღეთ ერთი ჭიქა ვაშლის ძმარი და დაუმატეთ თქვენი საყვარელი ეთერზეთის რამდენიმე წვეთი. მომზადებული ნარევით აუცილებელია არა მხოლოდ ავეჯის, არამედ იატაკის გაწმენდაც. განსაკუთრებული ყურადღება უნდა მიექცეს საპირფარეშოსა და აბაზანას. პროცედურების დასრულების შემდეგ თქვენი სახლი სიახლისა და სისუფთავის სურნელით აივსება.
ასევე, შეგიძლიათ არომატული ზეთები სხვაგვარადაც გამოიყენოთ, მაგრამ მაინც შესანიშნავ შედეგს მიაღწიოთ. მოგეხსენებათ, რომ ხის ჩხირები არომატულ ზეთებს კარგად იწოვს, რის შემდეგაც სუნი მთელს სახლში გავრცელებას იწყებს. შეგიძლიათ ეს ჩხირები ლარნაკებში ან ლამაზ ჭიქებში მოათავსოთ, შედეგად კი, სასიამოვნო სუნის გავრცელებასთან ერთად, ინტერიერსაც დაამშვენებთ.
გარდა ამისა, შეგიძლიათ ჩვეულებრივი ბამბის დისკი თქვენი საყვარელი არომატული ზეთით დაასველოთ. როდესაც მტვერსასრუტით სახლის გაწმენდას დაიწყებთ, ეს დისკი მტვერსასრუტში მოათავსეთ და თქვენი სახლი სასიამოვნო არომატით თანდათან აივსება.
IV ვარიანტი
თუ თქვენს კარადას ნესტის სუნი აქვს, ამ პრობლემის გადაჭრაში ლავანდის ზეთი და საჭმელი სოდა დაგეხმარებათ. სოდა ნაჭრის ჩანთაში უნდა ჩაყაროთ და ლავანდის ზეთის რამდენიმე წვეთი დაამატოთ. მას შემდეგ, რაც ამ ჩანთას თაროზე დადებთ, თქვენი კარადა სრულიად განსხვავებულ უნიკალურ არომატს შეიძენს.
