ახმეტის მუნიციპალიტეტში მსუბუქი ავტომანქანა ეზოში შევარდა. შემთხვევა, ცოტა ხნის წინ, სოფელ კოღოთოსთან მოხდა.
სავარაუდოდ, სწრაფად მოძრავი მერსედესის მარკის მსუბუქი ავტომობილი, ჯერ ელექტროგადამცემ ბოძს შეეჯახა, შემდეგ კი, ერთ-ერთი ადგილობრივის ეზოში შევარდა.
შემთხვევის შედეგად, ავტომობილში მყოფი ერთი პირი დაშავდა. სასწრაფო-სამედიცინო დახმარების ბრიგადას დაშავებული საავადმყოფოში გადაჰყავს. ადგილზე საპატრულო პოლიცია იმყოფება, რომელიც ოპერატიულ ღონისძიებებს ატარებს.
