გუდაურის ტრაგედიის დროს დაღუპული მფრინავის, დიმიტრი ქააძის დედა, ლალი ქააძე, „ღამის პრაიმთაიმთან“ იმ საბედისწერო დღეს იხსენებს, როდესაც მისი შვილი დაიღუპა.
„ძალიან თბილი, ყურადღებიანი შვილი იყო განსაკუთრებით მშობლების მიმართ. 13 წელი ჩავარდნილი მყავდა მეუღლე საწოლად , ინსულტიანი. სულ გვერდში მედგა, შუადღეზე შესვენებაზე მოდიოდა, რომ მამისთვის ეჭმია, სანამ მოვიდოდი სამსახურიდან. სულ გვერდში მედგა, დღეში რამდენჯერმე მოდიოდა, დედა რა მოგიტანო? (მეკითხებოდა) საუკეთესო შვილი...
იმ დღეს პარასკევს შუა დღეს დავურეკე, უკვე ძრავი ჩართული იყო და არ ისმოდა ხმა, დიმა მერე დაგირეკავ თქო... რამდენიმე წუთში დაგვირეკეს თვითმფრინავი აფეთქდა გუდაურშიო, იმ წუთში მივხვდი, რომ დიმა იქნებოდა... ისე უყვარდა ფრენა, რამდენჯერმე ვთხოვე იქნებ ნუ დაფრინვა თქო, რას ლაპარაკობო სიზმარშიც თვითმფრინავს ვხედავო.
