ანსამბლი „რუსთავი“ შვეიცარიის ქალაქ სიონში გამართულ საერთაშორისო ფესტივალზე ანტონიო სტრადივარიუსის შექმნილი ვიოლინოს აკომპანემენტით წარდგა მაყურებლის წინაშე. ამის შესახებ ინფორმაციას სოციალურ ქსელში ინფექციური საავადმყოფოს პრესსამსახური, გიორგი ბერიძე ავრცელებს.
„ეს ვიოლინო ანტონიო სტრადივარიუსის შექმნილია.... ინიციალები ვიოლინოს კორპუსის შიდა მხარესაა დატანილი... წილად მხვდა ბედნიერება შევხებოდი ამ ინსტრუმენტს და გამეცნო ცნობილი მევიოლინე ალექსანდრა ტირსუ , რომელსაც ექსკლუზიური უფლება მიეცა საერთაშორისო ფესტივალებზე და კონცერტებზე აღნიშნული ინსტრუმენტით შეასრულოს ნაწარმოებები... შვეიცარიის ქალაქ სიონში გამართულ საერთაშორისო ფესტივალზე ანსამბლი „რუსთავი“ ორკესტრთან და აღნიშნულ მევიოლინესთან ერთად წარდგა პუბლიკის წინაშე...“,- წერს გიორგი ბერიძე სოციალურ ქსელში.
