სამშაბათი, მარტი 26, 2024
ფრენები
მთავარიახალი ამბები„პური მიუციათ ამ ფურცელში გახვეული...“ - რა ფოტოს აქვეყნებს ნათია ფანჯიკიძე

„პური მიუციათ ამ ფურცელში გახვეული…“ – რა ფოტოს აქვეყნებს ნათია ფანჯიკიძე

kompensacia frenebzekompensacia frenebze

ფსიქოლოგი ნათია ფანჯიკიძე სოციალურ ქსელში მისთვის განსაკუთრებულ ამბავს იხსენებს, რომელიც მძიმე დეპრესიაში მყოფ, ნარკოდამოკიდებულ, ნიჰილისტურად განწყობილ პაციენტს ეხება.

„ეს ფოტო დღეს ჩატში ერთმა კარგმა ადამიანმა ჩამიგდო, პური მიუციათ ამ ფურცელში გახვეული. თან გამიხარდა, ფურცელ-ფურცელ, პურებთან ერთად რომ იფანტება ეს ტექსტები, თან მოვუბოდიშე, რანაირი ტექსტი შეგახვედრეს, ტრავმის და სინანულის-მეთქი.

ხოდა გამახსენდა, არტთერაპიის ერთი განსაკუთრებული ამბავი, რომელმაც ჩემზე დიდი შთაბეჭდილება მოახდინა – ჩემს შვეიცარელ კოლეგას უნდოდა მძიმე დეპრესიაში მყოფი, ნარკოდამოკიდებული, ნიჰილისტურად განწყობილი პაციენტის არტთერაპიაში ჩაბმა.

ვერაფრით რომ ვერ გადაალახინა აგდებული განწყობა თერაპიის მიმართ, უცებ შეამჩნია, რომ ეს კაცი პაპიროსს ეწეოდა და ყოველ შეკეთებაზე თუთუნს ჩინურ-ინგლისური ლექსიკონიდან ამოხეულ ფურცელში ახვევდა. თერაპევტმა საფერფლედან ნამწვები ამოიღო და შეინახა და პაციენტსაც სთხოვა, ყოველდღე ნამწვი შეინახეო. თავიდან კაცი ზრდილობის გამო დათანხმდა და შემდეგ ისეთი აზარტული გახდა მისთვის ნამწვების შეგროვება, რომ თანდათან მათი კონტროლიც დაიწყო – ზოგიერთ სიტყვას ოდნავ წვავდა, ზოგს სრულად ეწეოდა, ზოგს ნახევრად, ზოგს კი ანთებისთანავე აქრობდა…

საბოლოოდ, რამდენიმე თვეში საოცარი გამოფენა გააკეთეს. თეთრ ჩარჩოებში ჩასმულ, წითელ ფონზე დაკრულ ნამწვებზე ორ ენაზე იკითხებოდა ნახევრად დამწვარი – “ბედნიერება”, “სიყვარული”, “ტკივილი”, “ამბავი”… ზოგი ნამწვი მეტად ჩინური იყო, ზოგი მეტად ინგლისური. ხო, ასეთი რამეები შეუძლია არტთერაპიას, რომ შენი თავი გაპოვნინოს საფერფლეში, ლექსიკონში, ბუნებაში, ქუჩაში, თონეში, ოთახში, ნაგვის ურნაშიც კი და შემდეგ თავიდან აგაწყობინოს ახალი ვერსია იგივე დეტალებით“, – წერს ნათია ფანჯიკიძე.

 

amerikis vizaamerikis viza
მსგავსი
aviabiletebi dabal fasad

პოპულარული

დაკოპირება ისჯება კანონით!