ევროპა სავსეა შთამბეჭდავი ისტორიით, მდიდარი კულტურით და დაუვიწყარი ღირსშესანიშნაობებით. ოთხი ევროპული ქვეყანა, რომლებიც აუცილებლად უნდა მოინახულო, არის საფრანგეთი, იტალია, ესპანეთი და ჩეხეთი. თითოეული მათგანი გამორჩეულია თავისი უნიკალური არქიტექტურით, გასაოცარი ბუნებით და განსხვავებული კულტურული თავისებურებებით.
საფრანგეთი - რომანტიკის ქვეყანა
საფრანგეთი, დრომელსაც ხშირად „სიყვარულის ქვეყნა“ -ს უწოდებენ, საოცარი ქალაქებით და ულამაზესი ლანდშაფტებით გამოირჩევა. ქალაქები კი, რომლებიც აუცილებლად უნდა მოინახულო, არის:
- პარიზი - საფრანგეთის დედაქალაქი რომანტიკის სიმბოლოა. ეიფელის კოშკი, ლუვრის მუზეუმი და ნოტრ-დამის ტაძარი მხოლოდ ნაწილია იმ ღირსშესანიშნაობებისა, რაც ამ ქალაქში უამრავ მნახველს იზიდავს, მსოფლიოს სხვადასხვა კუთხიდან. არ დაგავიწყდეთ გაისეირნოთ მონმარტრის ქუჩებში, რომლებიც სავსეა ხელოვნებითა და ცოცხალი ატმოსფეროთი.
- ნიცა - საფრანგეთის რივიერას სამკაული, სადაც შეგიძლიათ დატკბეთ ხმელთაშუა ზღვის სანაპიროთი და ცნობილი პრომენად დე ანგლეს (Promenade des Anglais) პარკით.
- ბორდო - ღვინის დედაქალაქი, რომელიც იდეალურია როგორც გურმანებისთვის, ისე კულტურის მოყვარულთათვის. ქალაქი ცნობილია თავისი გასაოცარი არქიტექტურით და მდიდარი გასტრონომიული ტრადიციებით.
იტალია - ხელოვნებისა და კულინარიის მექა
იტალია ტურისტებისთვის ნამდვილი სამოთხეა, რომელიც აერთიანებს ისტორიულ ღირსშესანიშნაობებს, შთამბეჭდავ ხელოვნებასა და კულინარიულ ტრადიციებს.
- რომი - „მარადიული ქალაქი“ სავსეა ისტორიული მემკვიდრეობით. კოლიზეუმი, ვატიკანი და ფორუმი მხოლოდ რამდენიმე მათგანია იმ დიდ ჩამონათვალში, რასაც ეს საოცარი ქალაქი გთავაზობთ. რომ ნებისმიერი მოგზაურისთვის დაუვიწყარი გამოცდილებაა.
- ვენეცია - არხების ქალაქი, რომელიც განთქმულია გონდოლებით, სან-მარკოს მოედნითა და ულამაზესი პალაცებით. ეს ქალაქი რომანტიკული დასვენებისთვის იდეალური მიმართულებაა.
- ფლორენცია - რენესანსის სამშობლო, სადაც შეგიძლიათ მოინახულოთ მიქელანჯელოს „დავიდი“, უძველესი კათედრალები და ულამაზესი პონტე ვეკიო.
ესპანეთი - ფლამენკოსა და კულტურის ქვეყანა
ესპანეთი ტრადიციების, ცოცხალი ფესტივალების და გასაოცარი ლანჩაფტის შერწყმაა. ქალაქები კი, რომლებსაც მოგზაურები ყველაზე ხშირად სტუმრობენ, არის:
- ბარსელონა - კატალონიის დედაქალაქი, სადაც შეგიძლიათ იხილოთ ანტონიო გაუდის ნამუშევრები, როგორებიცაა საგრადა ფამილია და პარკ გუელი. აქვე შეგიძლიათ გაისეირნოთ ლა რამბლაზე და დატკბეთ ხმელთაშუა ზღვის სანაპიროთი.
- მადრიდი - ესპანეთის დედაქალაქი ცნობილია პრადოს მუზეუმით, რეალ მადრიდის სტადიონით და ელ რეტიროს პარკით. ქალაქი სავსეა როგორც ისტორიული, ისე თანამედროვე ღირსშესანიშნაობებით.
- სევილია - ანდალუსიის კულტურული ცენტრი, სადაც გელით ფლამენკოს შოუები, სევილიის საკათედრო ტაძარი და ლა ხირალდა.
ჩეხეთი - ევროპული ხიბლი
ჩეხეთი მდიდარია თავისი შუა საუკუნეების არქიტექტურით, ულამაზესი ბუნებით და კულტურული ღირებულებებით.
- პრაღა - ჩეხეთის დედაქალაქი ცნობილია თავისი ძველი ქალაქის მოედნით, ჩრლზის ხიდით და პრაღის ციხესიმაგრით. ეს ქალაქი მდიდარია როგორც ისტორიით, ისე თანამედროვე ცხოვრების ხიბლით.
- ჩესკი-კრუმლოვი - პატარა, მაგრამ შთამბეჭდავი ქალაქი, რომელიც იუნესკოს მსოფლიო მემკვიდრეობის სიაშია შესული. მისი ციხესიმაგრე და მდინარე ვლტავა იდეალურია ისტორიული და ბუნებრივი სილამაზის მოყვარულთათვის.
- კარლოვი ვარი - ცნობილი სპა-ქალაქი, სადაც შეგიძლიათ დატკბეთ მინერალური წყლებით და ჩეხური სამზარეულოთი.
ეს ოთხი ევროპული ქვეყანა წარმოადგენს ნამდვილ საგანძურს, რომელიც შთაბეჭდილებებს ყველა ტიპის მოგზაურს სთავაზობს. პარიზის რომანტიკა, რომის ისტორია, ბარსელონას არქიტექტურა და პრაღის შუა საუკუნეების ხიბლი მხოლოდ ნაწილია იმ მრავალფეროვნებისა, რასაც ევროპა გთავაზობთ. იმოგზაურეთ, აღმოაჩინეთ და დატკბით თითოეული ქალაქის უნიკალური ატმოსფეროთი!
დაჯავშნეთ ავიაბილეთები საუკეთესო ფასად ნებისმიერი მიმართულებით. დაგვირეკეთ: 551 907 907
