„უსაზღვროდ მიხარია, რომ ბრწყინვალე შვიდეულის შაბათს კვლავ შევხვდები ჩემს უძვირფასეს…” – ნიკოლოზ რაჭველი

საქართველოს სიმფონიური ორკესტრის ხელმძღვანელი ნიკოლოზ რაჭველი ფეისბუკის
პირად გვერდზე თავისი ახალი პროექტის რეპეტიციის დროს გადაღებულ ფოტოებს
აქვეყნებს და მაყურებელს ღონისძიებაზე დასასწრებად იწვევს.
„უსაზღვროდ მიხარია, რომ ბრწყინვალე შვიდეულის შაბათს კვლავ შევხვდები ჩემს
უძვირფასეს მაყურებელს ფილარმონიის დიდ საკონცერტო დარბაზში, სადაც ჩვენი ახალი
პროექტით „მეხსიერების ბარათი #2“ უკვე მეცხრედ ვუმასპინძლებთ საზოგადოებას.
22 აპრილის კონცერტი ჩვენთვის მეტად განსაკუთრებული იქნება, რადგან მას „ცისფერი
ტრიოს“ თამაზ სეფერთელაძეს მივუძღვნით, საოცარ მეგობარსა და შემსრულებელს,
რომლისთვისაც უკანასკნელი საკონცერტო პროექტი აღმოჩნდა ჩვენი კინომუსიკის
საღამოები.
არ ვიცი კიდევ როდის გავიმეორებთ ჩვენს ამ პროგრამას, მიუხედავად იმისა, რომ
მართლაც არ კლებულობს ინტერესი და დასწრების სურვილი, ამიტომ ვისაც ჯერ კიდევ არ
გინახავთ ჩვენი მუსიკალურ-ვიზუალური პერფორმანსი გირჩევთ არ გადადოთ და იჩქაროთ
ბილეთების შეძენა, რადგან ძალიან როგორც ვიცი თითებზე ჩამოსათვლელი რაოდენობაა
მხოლოდ დარჩენილი.
ვაზიარებ iletebi.ge-ს ლინკს და აგრეთვე ჩვენი პროექტის ფარგლებში გადაღებულ ერთერთ ფოტოს, რომელიც დღეს უკვე ისტორიაა არამხოლოდ ჩვენთვის, არამედ ქართული
სასიმღერო მუსიკის ისტორიისთვისაც…“, – წერს ნიკოლოზ რაჭველი.