დღეს, 7 სექტემბერს ევრობასკეტი 2022-ის A ჯგუფის ბოლო ტურის შეხვედრები მიმდინარეობს. „თბილისი არენაზე“ პირველი მატჩი ესპანეთისა და თურქეთის ნაკრებებს შორის გაიმართა, რომელიც ტურნირის ერთ-ერთი ფავორიტის, სკარიოლოს გუნდის გამარჯვებით დასრულდა 72-69.
ორივე გუნდის მხრიდან 20 ქულით საუკეთესო ჩედი ოსმანი იყო, ესპანელთა მხრიდან კი ყველაზე მეტი ქულა ვილი ერნანგომესს ჰქონდა – 16 ქულა.
„თბილისი არენაზე“ დღეს ჩვენი ნაკრებისთვის ორი უმნიშვნელოვანესი მატჩი გაიმართება. პირველ შეხვედრაში ჯგუფიდან გასასვლელად გვჭირდება, რომ ბელგიამ ბულგარეთი დაამარცხოს, სასურველი შედეგის დაფიქსირების შემთხვევაში კი პლეი-ოფის საგზურის მოსაპოვებლად საქართველომ მონტენეგროს უნდა მოუგოს.
