ბელგიის პოლიციამ ქართველი ტრანსგენდერის, ლიზა ქისტაურის დაღუპვის ფაქტი დაადასტურა. ინფორმაცია ამის შესახებ საქართველოს საგარეო საქმეთა სამინისტრომ გაავრცელა. "ფორმულა" ბელგიის პროკურატურაზე დაყრდნობით, წერს, რომ ლიზა ქისტაურის ცხედარს აუტოფსია ჩაუტარდა და დანაშაულის ნიშნები არ გამოვლენილა.
"გასულ ორშაბათს ანტვერპენში, ერთ-ერთ ბინაში 26 წლის ქალის ცხედარი იპოვეს. დაუყოვნებლივ დაიწყო გამოძიება, დაინიშნა საგამოძიებო მოსამართლე და ჩატარდა აუტოფსია, ამან აჩვენა, რომ არ აღინიშნება დანაშაულის ნიშნები", – განუხადეს "ფორმულას" პროკურატურაში.
შეგახსენებთ, რომ რამდენიმე დღის წინ, მედიაში გავრცელდა ინფორმაცია, რომ ბელგიაში მცხოვრები 26 წლის ტრანსგენდერი, ლიზა ქისტაური სასტიკად მოკლეს და რომ მისი დასახიჩრებული სხეულის ფოტოები ამოსაცნობად დედას გამოუგზავნეს, თუმცა გარდაცვალების ფაქტს არც ოჯახი და არც საელჩო გუშინდლამდე არ ადასტურებდა.
