კრემლის პრესსპიკერი დიმიტრი პესკოვი ბრიტანული გამოცემის, Sun-ის მიერ გავრცელებულ ინფორმაციას, ვლადიმერ პუტინის მკვლელობის მცდელობის შესახებ ყალბს უწოდებს.
ამის შესახებ „რია ნოვოსტი“ წერს.
კითხვაზე, აქვს თუ არა ამ ცნობებს რაიმე ფაქტობრივი საფუძველი, პუტინის პრესსპიკერმა უპასუხა, რომ „არა“.
შეგახსენებთ, რომ გუშინ უცხოურმა გამოცემებმა გაავრცელეს ინფორმაცია, რომ ვლადიმერ პუტინის ლიმუზინზე, სავარაუდოდ, თავდასხმა განხორციელდა.
მათივე ცნობით, რუსეთის პრეზიდენტი შემთხვევის შედეგად არ დაზიანებულა, თუმცა მისი დაცვის წევრების ნაწილი დაკავებულია.
