ვტირი, მადლობა ძვირფასო ქართველებო, - ასე ეხმაურება უკრაინის მოქალაქე ნატალია მარკოვჩენკო სოციალურ ქსელში გავრცელებულ ვიდეოს, სადაც ქართველმა მგზავრებმა სამარშრუტო ტაქსიდან ჩააგდეს ანტიუკრაინული განწყობის რუსეთის მოქალაქეები.
ვიდეოს არაერთი გამოხმაურება მოჰყვა. უკრაინელები ქართველების მიმართ, სოლიდარობის ამ ჟესტისთვის მადლობის კომენტარების წერენ.
„ვტირი, მადლობა ძვირფასო ქართველებო. და არა მხოლოდ ამ აქტისთვის. სტუმართმოყვარეობისთვის, რომელიც თქვენ გაგაჩნიათ. იმ ზრუნვისთვის, რომელიც თქვენ გაგვიწიეთ ლტოლვილების მიღებით. ყველა ჩემი მეგობარი, ვინც საქართველოში წავიდა, უბრალოდ შოკირებულია თქვენი სიყვარულით. უსიტყვოდ, მადლობა ხალხო!!! ბევრი, ბევრი უკრაინელისგან“, - წერს ნატალია მარკოვჩენკო.
ნახეთ ვიდეო ↓
