სომხეთის პრემიერ-მინისტრი ნიკოლ ფაშინიანი ტელეფონით ესაუბრა ევროპული საბჭოს პრეზიდენტ შარლ მიშელს და სომხეთ-აზერბაიჯანის საზღვრის გასწვრივ არსებული მდგომარეობის შესახებ აცნობა. ამის შესახებ სომხური მედია წერს.
„ნიუს ამის“ ცნობით, შარლ მიშელმა სომხეთის მთავრობის მეთაურთან საუბრისას ყურადღება გაამახვილა სტაბილურობისა და მშვიდობის მნიშვნელობაზე და მზადყოფნა გამოთქვა, ძალისხმევა გასწიოს, რათა სიტუაციის შემდგომი ესკალაცია თავიდან იყოს აცილებული.
სომხეთისა და აზერბაიჯანის საზღვარზე შეტაკებები შუაღამისას დაიწყო და მთელი ღამის განმავლობაში გრძელდებოდა. მხარეები ესკალაციაზე პასუხისმგებლობას ერთმანეთს აკისრებენ.
