ტელეკომპანია “მთავარის” ინფორმაციით, ტექნიკური უნივერსიტეტის პროფესორი 65 წლის ოთარ გელაშვილი, რომელიც რამდენიმე პირმა გაიტაცა და გარდაბნის ტყეში აწამა, გარდაიცვალა. შემთხვევა დაახლოებით ერთი თვის წინ მოხდა.
ოთარ გელაშვილს ოჯახი რამდენიმე ხნის განმავლობაში ეძებდა. კაცი უგონო მდგომარეობაში მწყემსმა იპოვა და კლინიკაში გადაიყვანეს, თუმცა მისი გადარჩენა ვერ მოხერხდა.
საქართველოს ტექნიკური უნივერსიტეტის რექტორი დავით გურგენიძე მედიასთან ინტერვიუში ამბობს, რომ ოთარ გელაშვილი 40 დღის წინ საღამოს შვიდი საათიდან დილამდე მიუწვდომელი იყო, რის შემდეგაც ტყეში იპოვეს მძიმე მოტეხილობებით. გელაშვილი 20 სექტემბრის დილას ცემის შედეგად მიყენებული დაზიანებებით გარდაიცვალა. როგორც რექტორი “მთავართან” ამბობს, გამოძიებას ერთი პირი ჰყავს დაკავებული, მეორე კი საზღვარგარეთ მიმალვაშია.
რექტორის თქმით, ერთადერთი ინფორმაცია რაც აქვთ, მომხდარი გარდაცვლილის აკადემიურ საქმიანობას არ უკავშირდება.
