“ბოლო წვეთი იყო” – მიხეილ სააკაშვილი პოლიტიკაში ბრუნდება

მიხეილ სააკაშვილი ქართულ პოლიტიკაში ბრუნდება. საქართველოს მესამე პრეზიდენტის გადაწყვეტილება რამდენიმე წუთის წინ გახდა ცნობილი.

რამ უბიძგა საქართველოს მესამე პრეზიდენტს ამ გადაწყვეტილების მიღებისკენ – მიხეილ სააკაშვილი განმარტავს, რომ მისთვის აჭარის უმაღლეს საბჭოში გუშინ განვითარებული მოვლენები და თორნიკე რიჟვაძის მიერ 2008 წლის ომის ლაჩრულად წაგებულად მოხსენიება, ბოლო წვეთი იყო.

ბოლო წვეთი იყო იმ მოღალატეების აღლუმი, რომელიც ვიხილე გუშინ აჭარის უზენაეს საბჭოში.
საქართველოს ღალატმა და გარუსების მცდელობამ შეაღწია უკვე ყველა დონეზე.
მიუხედავად ჯანმრთელობის მდგომარეობისა ვაპირებ ძალიან აქტიურად ჩართვას ქართულ პოლიტიკაში, უკრაინაში ჩართულობის პარალელურად.
უკრაინის გამარჯვებას გულხელდაკრეფილი კი არ უნდა ველოდოთ, არამედ აქტიურად მოვაახლოვოთ მათ შორის ჩვენი ინოვაციური და გაბედული ქმედებებით.
დღეიდან ვაპირებ მონაწილეობა მივიღო ყველა „სასამართლოში“ სადაც ფიზიკურად შევძლებ.
ასევე, როგორც ყოველთვის მოვუწოდებ ყველა ეროვნულ, ანტირუსულ ევროპულ ძალას ერთიანობისაკენ, მათ  შორის პირველ რიგში ჩემს მიერ დაფუძნებულ პარტიას ნაციონალურ მოძრაობას”. – ამბობს მიხეილ სააკაშვილი.