„ქართული ოცნების“ თავმჯდომარის, ირაკლი კობახიძის განცხადებით, ერთადერთი, რითაც საქართველო არ დაეხმარა უკრაინას, არის ის, რომ არ გახსნა მეორე ფრონტი.
„ჩვენ არაერთხელ გვქონდა საუბარი უკრაინის მხარდაჭერის თემაზე. ბოლოს ბრიფინგზე ვთხოვეთ ოპოზიციას, წერილობით წარმოედგინა საკუთარი დამოკიდებულება ამ თემაზე და ეთქვა, რაში უნდა დაგვეჭირა მხარი უკრაინისთვის და რაში არ დავუჭირეთ მხარი. ვერცერთი პასუხი ვერ მივიღეთ ვერავისგან. რატომ? იმიტომ, რომ ერთადერთი, რითაც არ დავეხმარეთ უკრაინას, არის ის, რომ არ გავხსენით მეორე ფრონტი. სხვა ვერაფერი თქვეს. როდესაც ამ პირობებში მაინც გრძელდება მათი რიტორიკა მხარდაჭერის არ აღმოჩენასთან დაკავშირებით, ეს აჩვენებს ერთ რამეს, რაც წამოსცდა გუშინ ხატია დეკანოიძეს, მაგრამ ჩვენი განცდაა, რომ ხალხს არ უნდა, საქართველოში იყოს მეორე ფრონტი“, – აღნიშნა კობახიძემ.
