გუშინ სრულიად საქართველო შოკში ჩააგდო 15 წლის ბიჭის მკვლელობამ, რომელიც მისმა თანასკოლელმა 17 წლის მოზარდმა სასიკვდილოდ გაიმეტა და ცივი იარაღით სასიკვდილო ჭრილობები მიაყენა.
არსებული ინფორმაციით 15 წლის საბა მამფორია ცივი იარაღით სასიკვდილოდ დაჭრეს. მოზარდი როგორც ვრცელდება საავადმყოფოში მიყვანამდე გარდაიცვალა.
სამწუხარო ამბის დეტალებზე სოციალურ ქსელში ჟურნალისტი თეა შონიაც წერს:
„უბანში ატეხილ ჩოჩქოლზე ფეხშიშველი გარბოდაო 15 წლის საბას დედა ფეხბურთის მინი სტადიონზე, მას ორივე შვილი იქ ეგულებოდა….(როგორც წყარო მიყვება).
უფროს ვაჟს ვერ მიუსწრო, მისი გვამი უკვე სასწრაფო დახმარების მანქანაში იყო გადასვენებული. მაინც ატყუებდნენ დედას-გადარჩა შენი შვილიო. ცივსისხლიანი თანატოლის მიერ მოკლული 15 წლის საბას ცხედარი ჯერაც ექსპერტიზაზეა“, – წერს თეა შონია.
