თავისუფალი სტილით ჭიდაობაში საქართველოს ჩემპიონი, ვეტერანი მოჭიდავე ცოტნე ბარამიძე გარდაიცვალა. სამწუხარო ინფორმაციას სოციალურ ქსელში საქართველოს ჭიდაობის ეროვნული ფედერაცია ავრცელებს.
,,გარდაიცვალა ვეტერანი მოჭიდავე, თავისუფალი სტილით ჭიდაობაში საქართველოს ჩემპიონი, ჭაბუკებს შორის ევროპის პრიზიორი, გორის ნუგზარ სხირელის სახელობის ჭიდაობის კლუბის მწვრთნელი ცოტნე ბარამიძე.
სამძიმარს ვუცხადებთ ცოტნეს ოჯახის წევრებს და ახლობლებს”, – აღნიშნულია ფედერაციის ფეისბუკგვერდზე.
