წყალტუბოში 33 წლის ქალი სხეულის დამწვრობით გარდაცვლილი იპოვეს. მომხდართან დაკავშირებით რამდენიმე ვერსია ვრცელდება - მკვლელობა, თვითმკვლელობა და უბედური შემთხვევა. „პრაიმტაიმს“ ოჯახის ახლობელი მომხდარის დეტალებს უყვება.
„ვიცი, რომ ქმარი ძალიან ავიწროებდა ამ გოგოს. ხალხმაც იცის, რომ ქმარი ძალადობდა ამ გოგოზე. ეს გოგო საპირფარეშოში ნახეს, ბენზინი ჰქონდა გადასხმული და ცეცხლი წაკიდებული.
როცა ნახეს, ცოცხალი იყო. საავადმყოფოში მიიყვანეს და იქ გარდაიცვალა დილით(ფილტვები არ გაეხსნა). ქმარს უთქვამს მე წავუკიდე ცეცხლიო. ამ ბიჭს ხელები აქვს დამწვარი. პოლიციამ გამოძიება უკვე დაიწყო“, - ამბობს „პრაიმტაიმთან“ საუბრისას ოჯახის ახლობელი.
გარდაცვლილ 33 წლის ქალს 5 შვილი დარჩა.
