“ღამის პრაიმტაიმში” სასწაულის მომტან ლიმონზე ნინო ჩხეიძის მონაყოლს, მოგვიანებით სოციალურ ქსელში, თემის აგდება და გაშარჟება მოჰყვა.
“მონასტრის ლიმონი VS ნარიმანის პომიდორი”, “ერთი ლიმონი მეც შემახვედრე,” “შენი ჩამოტანილი ლიმონი დარბის აქვე ექვსი წელია”, “სიმღერით გვიამბეთ მაგ სასწაულებზე”, “რა ლიმონი ხალხნო, ცალკე ლიმონი და ზღმარტლი არაფრის მომცემია, თუ რწმენა არ აქვს ადამიანს. რწმენით კი სასწაულიც შესაძლებელია” – ასეთ კომენტარებს ვკითხულობთ.
ნინო ჩხეიძემ კი გადაცემაში მოჰყვა:
“ხშირად, იერუსალიმში, ჯვრის მამის მონასტერში მოსალოცად დავდივარ. ამ ტაძრის ეზოში ლიმონის ხე დგას. არსებობს ლეგენდა, რომლის მიხედვითაც, თუ უშვილო წყვილი ამ ხის ნაყოფს მიირთმევს, უფალი შვილს მისცემს.
ჩამოვუტანე მონასტრის ლიმონი ჩემს უშვილო ახლობლებს და ყველა მათგანს შვილი მიეცა.”
შეუფერებელ კომენტარებს მუსიკალური პროდიუსერი კახა მამულაშვილი ეხმიანება.
„ორი ლიმონი მე თვითონ მოვწყვიტე ისრაელში და ვაჩუქე ერთი მარიშა გომართელს და მეორე – ნუცა კუხიანიძეს…ორივეს ნანატრი შვილები შეეძინათ იმ წელს. ესე იყო ეს ამბავი. გინდ დაიჯერეთ, გინდ არა“ – წერს მამულიჩა ფეისბუქზე.
