გაერთიანებული სამეფოს დედოფალი ელისაბედ II 96 წლის ასაკში გარდაიცვალა. ამის შესახებ ინფორმაციას ბუკინგემის სასახლე ავრცელებს.
„დედოფალი, დღეს შუადღით მშვიდად გარდაიცვალა ბალმოლარში.
მეფე და დედოფალი ამ საღამოს ბალმორალში დარჩებიან და ლონდონში ხვალ დაბრუნდებიან“ – წერია სამეფო ოჯახის მიერ გავრცელებულ განცხადებაში.
სიცოცხლის ბოლო დღეები მონარქმა შოტლანდიაში, ბალმორალის სასახლეში გაატარა. ელისაბედ მეორე ყველაზე ხანგრძლივად 70 წლის განმავლობაში იკავებდა მონარქის ტახტს.
