„იმედის დღეს“ ახალი თანაწამყვანი ჰყავს. ნანა ლორთქიფანიძე პირველი ეთერის დროს საკმაოდ ნერვიულობდა, თუმცა თვლის, რომ ცხოვრების ახალ ეტაპზე გადასვლა ყოველთვის საინტერესოა.
მონოლოგში მან იმის შესახებ ისაუბრა, რომ 60 წლის ასაკში ახალ საქმეს მოჰკიდა ხელი:
„გამარჯობა, მე ვარ ნანა ლორთქიფანიძე, მსახიობი, თუმცა ვფიქრობ, დიდად წარდგენა არ მჭირდება. ახლა ვარ 60 წლის და დღეიდან ჩემს ცხოვრებაში სრულიად ახალი ეტაპი იწყება – ტელეწამყვანი ვხდები. ვინმეს თუ ჰგონია, რომ ტელეწამყვანობა მსახიობის სცენაზე ან კინოკამერების წინ როლების თამაშს ჰგავს, ძალიან ცდება. ახლა აქ ვდგავარ და სულ ვკანკალებ. საშინლად ვნერვიულობ. ძალიან გთხოვთ, დღეს ნუ გამაკრიტიკებთ!..“, -ამბობს ნანა ლორთქიფანიძე.
იგი რუბრიკას „რა სურთ ქალებს“ წაიყვანს.
