Saturday, September 24, 2022
spot_img
Homeფეხმძიმე ცოლის მკვლელობაში ბრალდებულის საჯარო აღიარება - გოგა გზირიშვილმა ჩვენება შეცვალა

ფეხმძიმე ცოლის მკვლელობაში ბრალდებულის საჯარო აღიარება – გოგა გზირიშვილმა ჩვენება შეცვალა

spot_imgspot_img

ფეხმძიმე ცოლის განზრახ მკვლელობაში ბრალდებული გოგა გზირიშვილია. განსასჯელმა დღეს სასამართლოს ვრცელი ჩვენება მისცა და დანაშაულიც აღიარა. ბრალდებულმა შემზარავი მკვლელობა ფსიქიკური პრობლემებით ახსნა და არც ის დაუმალავს, რომ წლების განმავლობაში ნარკოტიკებზე იყო დამოკიდებული.

სასამართლოში დაკითხვისას, ბრალდებულმა წინასწარი გამოძიების დროს მიცემული ჩვენება, სადაც ის ამბობდა, თითქოს დანაშაული ეჭვიანობის ნიადაგზე ჩაიდინა – შეცვალა. პროკურორის კითხვის საპასუხოდ მან განაცხადა, რომ მოტივი მოიგონა და სინამდვილეში არ ახსოვს, რატომ მიაყენა მეუღლეს, ქეთი კეპულაძეს დანით 30 ჭრილობა.

“ნარკოტიკების გამო… სხვადასხვა სახეობის ნარკოტიკს მოვიხმარდი დიდი პერიოდის განმავლობაში, ბოლო პერიოდში, მოვუხშირე და ფხიზელი აღარ ვიყავი, სასმელს თავი დავანებე და ნარკოტიკზე გადავედი, ხან ყავაში ვისხამდი ნარკოტიკებს, ხან ჩაიში, ხან ლუდში…”,- განაცხადა გზირიშვილმა.

ბრალდებულის ინტერესების დამცველი აღიარებით ჩვენებას შემამსუბუქებელ გარემოებად მიიჩნევს. ადვოკატი ამბობს, რომ მისი დაცვის ქვეშ მყოფი დანაშაულის ჩადენის მომენტში არაადეკვატური იყო და მომხდარს ვერ აცნობიერებდა.

ბრალდებული დანაშაულის ჩადენისას მოქმედებდა განსაკუთრებული სისასტიკით და მისი მიზანი არამხოლოდ მკვლელობა, არამედ გარდაცვლილისთვის ფსიქოლოგიური ტანჯვის მიყენებაც იყო – ასეთია პროკურატურის ვერსია. საქმის პროკურორი გოგა გზირიშვილის მიმართ სასჯელის უმაღლეს ზომის, ანუ უვადო პატიმრობის გამოყენებას ითხოვს.

ქმარმა ფეხმძიმე ქალი თბილისში განსაკუთრებული სისასტიკით 22 დეკემბერს მოკლა. გახმაურებული საქმის განხილვა თბილისის საქალაქო სასამართლოში 16 სექტემბერს მტკიცებულებების გამოკვლევით გაგრძელდება. სასამართლოში ჩვენებების მიცემას მოკლული ქალის ახლობლები გეგმავენ.

Facebook Comments Box
spot_imgspot_img
RELATED ARTICLES
- Advertisment -spot_img

Most Popular

Aviabiletebi avia.ge