Saturday, September 24, 2022
spot_img
Homeსახალხო დამცველის კანდიდატს ციდან ვერ ჩამოვაგდებთ, საიდანღაც უნდა ავირჩიოთ, პრინციპული და მტკიცე...

სახალხო დამცველის კანდიდატს ციდან ვერ ჩამოვაგდებთ, საიდანღაც უნდა ავირჩიოთ, პრინციპული და მტკიცე სახალხო დამცველი გვჭირდება – ელისაშვილი

spot_imgspot_img

სახალხო დამცველის კანდიდატს ციდან ვერ ჩამოვაგდებთ, საიდანღაც უნდა ავირჩიოთ, პრინციპული და მტკიცე სახალხო დამცველი გვჭირდება, – ამის შესახებ საქართველოს პირველ არხს პარტია „მოქალაქეების“ წევრმა ალეკო ელისაშვილმა განუცხადა.

მისივე თქმით, პარტია „მოქალაქეები“ რომელიმე კონკრეტულ კანდიდატს მხარს არ უჭერს, მაგრამ თავიდან ბოლომდე ჩართული იყო ობიექტური პროცედურების განსაზღვრის პროცესში.

„საქართველოში არ მეგულება ადამიანი, რომლის მიმართაც კითხვები არ იქნება, რადგან ასეთი ხალხი ვართ, ყველას ვუკირკიტებთ. ჩვენი პარტია რომელიმე კონკრეტულ კანდიდატს მხარს არ უჭერს, მაგრამ თავიდან ბოლომდე ვიყავით ჩართული ობიექტური პროცედურების განსაზღვრის პროცესში და ვფიქრობ, მეტ-ნაკლებად ისეთ პროცედურებამდე მივედით, რომელიც საშუალებას იძლევა, ერთხელ მაინც მმართველი პარტია და ოპოზიცია ერთ კანდიდატზე შევჯერდეთ და ესეც არ უნდა იყოს დაპირისპირების მიზეზი. იმის შესაძლებლობა, რომ ერთი კონკრეტული კანდიდატი ავირჩიოთ, არის, პროცედურები ამის საშუალებას იძლევა. არიან კონკრეტული პარტიები, რომელთაც კომპრომისი არ უნდათ, მაგრამ ვნახოთ. სახალხო დამცველის კანდიდატს ციდან ვერ ჩამოვაგდებთ, საიდანღაც უნდა ავირჩიოთ, ვინაიდან ვირჩევთ სახალხო დამცველს, რომელმაც ადამიანების უფლებებისთვის უნდა იბრძოლოს. კარგი იქნება, თუ ამ თვალსაზრისით ცოდნა და გამოცდილება ექნება. პრინციპული და მტკიცე სახალხო დამცველი გვჭირდება. ვინ არის დიმიტრი გელოვანი, არ ვიცი“, – განაცხადა ალეკო ელისაშვილმა.

Facebook Comments Box
spot_imgspot_img
RELATED ARTICLES
- Advertisment -spot_img

Most Popular

Aviabiletebi avia.ge