სასტუმრო „აივანში“ ქართული ტრადიციული სამოსის „ფაფანაკის“ ფოტო სესია გაიმართა

სასტუმრო „აივანში“ ქართული ტრადიციული სამოსის „ფაფანაკის“ ფოტო სესია გაიმართა

დღეს, დედაქალაქის ძველი ქალაქის ცენტრში მდებარე   პრესტიჟულ სასტუმრო „აივანში“ ქართული ტრადიციული სამოსის „ფაფანაკის“ ფოტო სესია გაიმართა.

03 დეკ 2019

ესპანეთში გაიხსნა სასტუმრო, სადაც კაცებს შესვლა ეკრძალებათ

ესპანეთში გაიხსნა სასტუმრო, სადაც კაცებს შესვლა ეკრძალებათ

ესპანეთში, საკურორტო კუნძულ მაიორკაზე გაიხსნა სასტუმრო  The Som Dona Hotel-ი, რომელიც განკუთვნილია მხოლოდ  ქალებისთვის. 

04 ოქტ 2019

სოფელ ომალოში შეიქმნა სასტუმრო, რომელიც მთლიანად მზის ენერგიით მარაგდება

სოფელ ომალოში შეიქმნა სასტუმრო, რომელიც მთლიანად მზის ენერგიით მარაგდება

კომპანია რედიქსის მიერ, თუშეთში, სოფელ ომალოში შექმნილი სასტუმრო სამზეო ქვეყანაში პირველი სასტუმროა, რომელიც მთლიანად მზის ენერგიით მარაგდება. სრული ენერგოეფექტურობის მიღწევისთვის, ქვეყანაში უდიდესი სახურავზე განთავსებული, 100 კილოვატის სიმძლავრის მზის ელექტროსადგური არის დამონტაჟებული.

31 აგვ 2019

სოფელ ხაშმში ახალი სასტუმრო „შატო ხაშმი“ გაიხსნა

სოფელ ხაშმში ახალი სასტუმრო „შატო ხაშმი“ გაიხსნა

კახეთში, სოფელ ხაშმში ახალი სასტუმრო „შატო ხაშმი“ გაიხსნა. როგორც „ინტერპრესსნიუსს“ „აწარმოე საქართევლოდან“ აცნობეს, სასტუმრო გარემოს დაცვისა და სოფლის მეურნეობის მინისტრმა ლევან დავითაშვილმა და სააგენტოს „აწარმოე საქართველოში“ დირექტორმა მიხეილ ხიდურელმა გახსნეს.

21 ივლ 2019

თელავში სასტუმრო Holiday inn გაიხსნა

თელავში სასტუმრო Holiday inn გაიხსნა

თელავში თიბისის მხარდაჭერით კიდევ ერთი ბრენდული სასტუმრო Holiday inn გაიხსნა. 85 ნომრიანი სასტუმრო თელავის ცენტრში მდებარეობს და სტუმრების მიღება უკვე დაწყებულია.

08 ივლ 2019

ხელოვნების ბილიკები ტყეში- არტ-ბურიანი სტუმრებს მალე უმასპინძლებს

ხელოვნების ბილიკები ტყეში- არტ-ბურიანი სტუმრებს მალე უმასპინძლებს

 ორი მეგობრის ტყის ამბები...

„ეს ამბავი ასე დაიწყო: რვა წლის წინ შემოდგომაზე ამეკვიატა, ტყეში მინდოდა პატარა სახლი ,ბუხარი, ტურის კივილი, ნისლი, აფერადებულ ტყეში ხეტიალი..

დავიწყე ძებნა. შედეგმაც არ დააყოვნა. განცხადებაში ეწერა, რომ სახლი ტყეში იყო. თბილისიდან 40 კილომეტრში აღმოვჩნდით საოცნებო გარემოში. ამ ადგილს ბურიანი ჰქვია. რატომ ერქვა ბურიანი ამას მიგვიანებით მივხვდი. ასე გავხდით ბურიანელები..

დილა ფრინველების ჭიკჭიკით და სხვადასხვა ცხოველის შეძახილებით იწყება. ტყის შრიალი მალამოდ ედება ჩემს სულს..ცივა, ახლა ცხელ ყავს დალევდა კაცი ...ფანჯრის ჭურჭუტანიდან ნისლი მოიპარება. ოი საოცრებავ, დიდი ფუმფულა ციყვი მუხის ტოტზე გატრუნულა.. ჩვენმა ხელოსანმა მითხრა: იმდღეს თქვენს ეზოში ორი შველი შემოეხეტაო, მაგრამ როგორც კი დამინახეს დაფრთხნენ და ტყეში გაუჩინარდნენო. არ მინდა აქედან წასვლა..საერთოდაც აქ ვიცხოვრებ ვფიქრობ გულში და „ციყვის პოზიორობას“ ჩემი ფოტოაპარატით ვიმახსოვრებ. მახსოვს შარშან ჩემი და ელგუჯას დაბადების დღეზე ,(ივლისის თვე იყო) ისეთი თეთრი ღრუბელი შემოგვერია ერთმანეთს ძლივს ვარჩევდით. ეს მართლაც ბურიანულია რაღაც განსხვავებული და ულამაზესი.. რძისფერი მასა მართლაც  ღრუბლის ფთილაა იმ მთიდან შემოხეტიალებული ჩვენს ეზოში. ახლა მეგობრები?.. ამ ყველაფერს როგორ დავიტევდი მარტო მე. როგორ შემეძლო ეს არ გამეზიარებინა მათთვის. სიხარული რომელიც ჩემში ყოველ წამს იბადებოდა გადადიოდა სხვა ადამიანებში, მიედინებოდა ნაკადულივით და აბედნიერებდა მათ. დავიწყეთ ტყისპირა სახლში ცხოვრება. მინდიას ენაც ავითვისე და ერთ მშვენიერ დღეს გაჩნდა იდეა ... „

 ციცინო ფუტკარაძე- „ფოტორეპორტაჟები ჟურნალისტისთვის უცხო არ არის. მითუმეტეს როცა ბუნების მოყვარულია და გამოუსწორებელი რომანტიკოსი. ინტერნეტით ვაკვირდებოდი მის ფოტოებს  და მაოცებდა ბურიანის სილამაზე. ნისლსი, თოვლში გახვეული ტყე, ჭრელი შემოდგომა. ჩვენ დიდი ხნის საქმიანი ურთიერთობა გვაკავშირებდა.. მალე ეს კავშირი მჭიდრო მეგობრობაში გადაიზარდა. რატომ მომწონს მასთან? მეც მიყვარს მასავით ტყეში ხეტიალი, ყვავილები, ძველებური ნივთები, საინტერესო ადამიანებთან ურთიერთობა. მიუხედავად ჩემი გადატვირთული გრაფიკისა ვახერხებ ამ გარემოცვაში ყოფნას. დავუბრუნდები იდეას, რადგან მთიანეთი და ფშავ-ხევსურეთიც ახლოსაა, გადავწყვიტეთ ამ მხარის ჯერ კიდევ სათუთად შემონახული წეს- ჩვეულებები, კულინარიულ შედევრები, მათი უხუცესი შემსრულებლები გავაცნოთ უცხოელებს და არა მარტო მათ. აქ იქნება შესაძლებელი ფარდაგის ქსოვის ხელოვნების მასტერკლასები ჩატარდეს. თიხის რეწვის გაკვეთილები, იფუნქციონირებს" ტყის სკოლა" გადავწყვიტე მეგრული ოდის ანალოგი იყოს ჩვენი კომპლექსის აივნები. ეს ერთგვარი ერთიანობის სიმბოლოა. ახლა მანანამ გააგრძელოს..“

 

 

 მანანა გეგიძე- „მთლიანად გადართული ვართ ამ თემაზე აქ ერთგვარი ეთნო ეზოც იქნება წარმოდგენილი, თუმცა თანამედროვე ტენდენციებით გაჯერებული. ვისაც მარანში ღვინოს დაჭაშნიკება მოუნდება რა თქმა უნდა, არტ ბურიანში ესეც შესაძლებელი იქნება. ზღვის დონიდან 1100 მეტრზე დაწურული ღვინო მაინც სხვა თემაა. დამბალხაჭოს აქვე დაამზადებენ თუში ქალები. ბუხარი და გარეთ თოვლი.. არც ეს არის აქაურობისთვის უცხო. ჩვენ გვექნება უღრან ტყეში არაერთი აქტივობა მოწოდებით: - გაუფრთხილდეთ დედა ბუნებას!!!.“

 

 ელგუჯა მარღია -„მოგეხსენებათ ბურიანი 12 კილომეტრშია საგურამოდან. მდინარე თეზმის მიმდებარედ. ამ ადგილს ბევრი ლეგენდა უკავშირდება. უნიკალურია მისი მდებარეობა. ის საგურამოს ეროვნული ნაკრძალის და თბილისის ეროვნული პარკის ტერიტორიებს შორის მდებარეობს..საბადურების ტყეზე საცალფეხო ბილიკი გადადის რაც განსაკუთრებით პოპულარობით ისარგებლებს “

 

 ციცინო ფუტკარაძე- „ვფიქრობ ეს პროექტი ხელს შეუწყობს მაღალმთიანი რეგიონების განვითარებას. რაც უფრო მეტი ადამიანი იფიქრებს ასეთი პროექტების განხორციელებას, მით უფრო მიმზიდველი გახდება ჩვენი ქვეყანა.“

 მანანა გეგიძე- „ბურიანში მდინარე თეზმი არ არის წყალუხვი მდინარე თუმცა აქ კანიონიც აღმოვაჩინეთ. არაერთი სამკურნალო წყაროა მთებში და ულამაზესი ადგილები. აქაური ტყეები მდიდარია სოკოს ნაირსახეობით. ნიყვიც კი მოდის თურმე. შერეული ტყის კორომებში მუხას, წიფელს, რცხილას და სხვა ჯიშის ხეებს შეხვდებით. სამკურნალო მცენარეები განსაკუთრებული მიმართულება იქნება. აქ შეძლებთ დააგემოვნოთ ტყის კენკრის, ტყის მარწყვის, ველური ვარდის, ასკილის კოკრების, იის, ტყის პიტნის ჩაი. სტუმრებს ელოდებათ თივაში საგანგებოდ შენახული მაჟალო, რომელიც მხოლოდ ახალ წელს გაიხსნება. ვაჟა-ფშაველა ერთ-ერთ მოგონებაში წერს, თუ როგორ ელოდებოდნენ თივაში გადანახული ტყის ვაშლის შეწვას ბავშვები. ჩვენ აქ ძველ ისტორიებს გავაცოცხლებთ. მოვაწყობთ პოეზიის ღამეებს. სხვათაშორის ჩემი იდეა იყო ამ კომპლექსისთვის "რობაის სახლი" დამერქმია და ელგუჯასთვის ეთგვარი სიურპრიზი მომეწყო, რადგან ზუსტად ამ ადგილმა განაპირობა არაერთი პოპულარული რობაის შექმნა ელგუჯა მარღიას პოეზიაში.  კომპლექსი „არტ-ბურიანი“ სავარაუდოდ ნოემბრის ბოლოს გაიხსნება! წინ საინტერესო დღეები გველოდება.“

ციცინო ფუტკარაძე- „ჩვენ ვგეგმავთ წელიწადის ოთხივე დროს პლენერს ცნობილი მხატვრებისთვის. ასევე პოპულარული კონკურსი ქრიზანთემების ფესტივალი ბურიანში გადმოინაცვლებს, რომლისგამარჯვებული ბროლის ქრიზანთემას მიიღებს პრიზად. 

 ასევე გვექნება ტრადიცია. ნოემბერში მოსული ყველა სტუმარი ჩარგავს სახელობით ტიტის ბოლქვებს. მერე გაზაფხულზეც შეუძლია დატკბეს თავისი ხელით დარგულ ლამაზი ქმნილებით. სხვათაშორის აქ ძალიან კარგად ხარობს ქრიზანთემები, ტიტები და ვარდები. ისე ხშირად ქრიზანთემას თოვლი მოუსწრებს ხოლმე და საოცარი სანახავია ბროლის ქრიზანთემა. ეს ერთგვარი სიმბოლო იქნება ჩვენი ბურიანული ამბების. ინტერიერი მთლიანად არაორდინალურად ხის აგურის და რკინის კომბინაცია იქნება და რაც ყველაზე მთავარია, რაც შეიძლება ბევრი ვიტრაჟი, რათა ტყე და მთები იყოს ინტერიერის ნაწილი.“

 

ვიმედოვნებთ, მკითხველისთვის საინტერესო იყო  ინტერვიუ არტ-ბურიანის შესახებ, რომელიც მართლაც უჩვეულო და განსხვავებულ გარემოს შესთავაზებს სტუმრებს. თუმცა აღწერა არაფერია. ნოემბერში ბურიანი გელოდებათ მათ, ვისაც უყვარს ტყეში ხეტიალი. წელიწადის ნებისმიერ დროს საინტერესო და მიმზიდველი იქნება. შეხვედრამდე არტ-ბურიანში! 

 

 

 

 

05 ივლ 2019

შერატონ გრანდ თბილისი მეტეხი პალასი მასშტაბური რეკონსტრუქციის შემდეგ ოფიციალურად გაიხსნა

შერატონ გრანდ თბილისი მეტეხი პალასი მასშტაბური რეკონსტრუქციის შემდეგ ოფიციალურად გაიხსნა

მასშტაბური რეკონსტრუქციის შემდეგ, „შერატონ გრანდ თბილისი მეტეხი პალასი“ ოფიციალურად გაიხსნა. გახსნის ღონისძიებას საქართველოს ტურიზმის ეროვნული ადმინისტრაციის ხელმძღვანელი მარიამ ქვრივიშვილი, „Marriot” - ის საერთაშორისო ქსელის წარმომადგენლები და სასტუმროს გენერალური დირექტორი ფრედ სმიტი დაესწრნენ.

20 ივნ 2019

თბილისში ახალი 4 ვარსკვლავიანი სასტუმრო სოლე პალასი გაიხსნა

თბილისში ახალი 4 ვარსკვლავიანი სასტუმრო სოლე პალასი გაიხსნა

თბილისს ახალი 4-ვარსკვლავიანი სასტუმრო შეემატა. სასტუმრო „სოლე პალასის“ გახსნას ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელი მარიამ ქვრივიშვილი დაესწრო.

19 ივნ 2019

თბილისში ცნობილი ბრენდის სასტუმრო HILTON-ი აშენდება

თბილისში ცნობილი ბრენდის სასტუმრო HILTON-ი აშენდება

"საქართველოს ბანკი” აგრძელებს ბიზნესის მხარდაჭერას და ქვეყნისთვის პრიორიტეტული მიმართულებებით მნიშვნელოვანი პროექტების დაფინანსებას. ბანკი თბილისში 201 ნომრიანი, ცნობილი ბრენდის სასტუმროს HILTON-ის მშენებლობას დააფინანსებს. 5 ვარსკვლავიანი სასტუმრო კოსტავას ქუჩაზე, სოფლის მეურნეობის ყოფილ სამინისტროს შენობაში შენდება. 

16 ივნ 2019

თბილისში სასტუმრო Pullman-ი აშენდება

თბილისში სასტუმრო Pullman-ი აშენდება

ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა სასტუმრო დაათვალიერა, რომელიც AXIS TOWERS-ში განთავსდება.

21 თებ 2019