გოგი წულაია ზესტაფონის მერობის კანდიდატია

2019.04.15 14:09:38
გოგი წულაია ზესტაფონის მერობის კანდიდატია

ზესტაფონის მერობისთვის პარტია "თავისუფალი საქართველოს" თანათავმჯდომარე გოგი წულაია იბრძოლებს.

 

ზესტაფონის მერიის შენობის წინ წულაია პარტიის ლიდერმა კახა კუკავამ წარადგინა. წარდგენას დეპუტატი დავით ჭიჭინაძე ესწრებოდა.

 

 

მათი თქმით, მთავარი მიზანია, რომ არ დაბრუნდეს ხელისუფლებაში "ნაციონალური მოძრაობა" და დასრულდეს "ქართული ოცნების" მმართველობა. წულაიამ ზეტაფონის მუნიციპალიტეტში არსებულ პრობლემებზე ისაუბრა და თანამოაზრეებს წინასაარჩევნო პროგრამა გააცნო.

 

 

"ზესტაფონელებს არ დავპირდები, რომ ავაშენებ. მე არავის არ ავაშენებ, ყველამ ერთად უნდა ავაშენოთ. ზესტაფონიდან დავიწყებ ბრძოლას რეალური თვითმმართველობისთვის. მარაზმია და უზნეობაა, როდესაც "ფერო" წამლავს ადამიანებს ზესტაფონში და იქ გამომუშავებული თანხა მიდის თბილისში, ბიუჯეტში. აქ არის ყველაზე მეტი ონკოლოგიური დაავადებებით გარდაცვლილი ადამიანი", - განაცხადა გოგი წულაიამ.

 

 

გოგი წულაიას შუალედურ არჩევნებში მხარს ,,ქრისტიან-დემოკრატიული მოძრაობა", "ეროვნულ-პატრიოტული მოძრაობა" და დამოუკიდებელი დეპუტატი დავით ჭიჭინაძე უჭერენ.

 

 

შუალედური არჩევნები 19 მაისს გაიმართება.