ვინ არის სტამბოლის ბაზრის ტერიტორიაზე, ხანძრის გაჩენის ბრალდებით დააკავებული პირი

2018.11.03 20:36:01
ვინ არის სტამბოლის ბაზრის ტერიტორიაზე, ხანძრის გაჩენის ბრალდებით დააკავებული პირი

შინაგან საქმეთა სამინისტრომ ,,სტამბოლის ბაზრის“ ტერიტორიაზე ხანძრის გაჩენის ბრალდებით ერთი პირი დააკავა. ამის შესახებ ინფრმაციას სამინისტროს პრესსამსახური ავრცელებს.

 

„შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, 1999 წელს დაბადებული დ. მ. სხვისი ნივთის დაზიანების ან განადგურების ბრალდებით დააკავეს.

 

გამოძიებამ დაადგინა, რომ დ.მ.-მ მიმდინარე წლის 1 ნოემბერს, ღამის საათებში, ქალაქ რუსთავში მდებარე ე.წ.სტამბოლის ბაზრის მიმდებარე ტერიტორიაზე არსებულ შპს ,,ლურჯ მარკეტს'' ცეცხლი მოუკიდა და შემთხვევის ადგილიდან მიიმალა. ხანძრის შედეგად დაიწვა 800 კვ.მ. ფართობზე განლაგებული შენობა-ნაგებობა და ეზოში გაჩერებული მიკროავტობუსი. ხანძარმა ზარალი ბაზარში მოვაჭრე 50-მდე მოქალაქეს მიაყენა.

 

გამოძიება ცეცხლის წაკიდებით ნივთის დაზიანების ან განადგურების ფაქტზე მიმდინარეობს, საქართველოს სისხლის სამართლის კოდექსის 187-ე მუხლის მე-2 ნაწილით“, - ნათქვამია გავრცელებულ ინფორმაციაში.

 

ხანძარი რუსთავში, ე.წ. სტამბოლის ბაზარში 1 ნოემბერს ღამით გაჩნდა. მეხანძრეებს მის ჩასაქრობად 6 საათი დასჭირდათ.

 

 

წყარო:imedinews