თბილისის მერია ამინდთან დაკავშირებით მოსახლეობას აფრთხილებს!

2018.03.09 14:04:44
თბილისის მერია ამინდთან დაკავშირებით მოსახლეობას აფრთხილებს!

თბილისის მერია 9-10 მარტს მოსალოდნელი ამინდის გაუარესების შესახებ მოსახლეობასა და სამშენებლო კომპანიებს აფრთხილებს.

 

 

,,გარემოს ეროვნული სააგენტოს ამინდის პროგნოზის მიხედვით, 9-10 მარტს შესაძლოა ქარის სიჩქარე 10-15 მეტრ წამიდან 25-30 მეტრ წამამდე გაიზარდოს.

 

თბილისის მერია მოსახლეობას მოუწოდებს, გამოიჩინოს მეტი სიფრთხილე და ძლიერი ქარის შემთხვევაში მოერიდოს ხეების, მსუბუქი კონსტრუქციებისა და სამშენებლო მოედნების სიახლოვეს ყოფნას.

 

გარდა ამისა, მოვუწოდებთ სამშენებლო კომპანიებს, მეტი გულისყურით მოეკიდონ უსაფრთხოების მოთხოვნებს და განსაკუთრებული ყურადღება გამოიჩინონ, როგორც დასაქმებული პერსონალის შრომითი უსაფრთხოების, ისე სამშენებლო უსაფრთხოების თვალსაზრისით",-აღნიშნულია თბილისის მერიის მიერ გავრცელებულ განცხადებაში.