მოსწავლეების დაჭრის მოტივი დასახელდა

2018.02.01 16:08:30
მოსწავლეების დაჭრის მოტივი დასახელდა

წითელ ბაღთან მომხდარი სისხლიანი დაპირისპირების შესახებ, ახალი დეტალები ხდება ცნობილი. 

 

ერთ-ერთი დაჭრილი მოზარდის ბიძა ამბობს, რომ სავარაუდოდ დაპირისპირება დაიწყო მას შემდეგ, რაც ორი მე-12 კლასელს უცხო პირებმა ფული მოსთხოვეს.

 

სწორედ ამ ფაქტს უკავშირებს მერაბ მორჩაძე მომხდარს, თუმცა მისთვის უცნობია რამდენი ადამიანი მონაწილეობდა დაპირისპირებაში.

 

მერაბ მორჩაძის თქმით, მისი ძმისშვილი სახლიდან რეპეტიტორთან მიდიოდა. 

 

„ეს ბავშვი არის ფეხბურთელი, მასწავლებლები-ფეხბურთი, რომ გითხრათ, რომ ქუჩაში რაღაც დროს ატარებს, დროც არ აქვს. ვერ გეტყვით რის გამო შეიძლება მომხდარიყო. მე ბევრჯერ გაგონილი მაქვს, რომ ფულის თხოვნა იციან ქუჩაში, ასეთი რაღაც თუ მოხდა. რეპეტიტორთან, მასწავლებელთან მიდიოდა,“-განაცხადა მერაბ მორჩაძემ.