მამაკაცს სახლში 41 მლნ ევროს ოდენობის ყალბი კუპიურები უპოვეს

2018.02.12 12:05:14
მამაკაცს სახლში 41 მლნ ევროს ოდენობის ყალბი კუპიურები უპოვეს

პოლიციამ ეჭვმიტანილის სახლიდან 40 მილიონ ევროზე მეტი ოდენობის ყალბი კუპიურები ამოიღო.

იტალიის ქალაქ ნეაპოლთან ტორე-დელ-გრეკოს დასახლებაში, ყალბი ბანკნოტების წარმოებაში ეჭვმიტანილი მამაკაცის სახლში ჩხრეკისას პოლიციელებმა შენიშნეს ფარდული, სადაც რამდენიმე კასრი აღმოაჩინეს. აღნიშნულ კასრებში პოლიციელებმა 50 და 100 ევროს ნომინალის კუპირების 90 შეკვრა იპოვეს. საერთო ჯამში, იტალიელი მამაკაცი ფარდულში დაახლოებით 41 მილიონ ევროს ინახავდა. პოლიციის განცხადებით, ამოღებული კუპიურები ძალიან მაღალ დონეზე იყო დამზადებული. ადგილობრივი მედიის ინფორმაციით, ამოღებული მასალის დასათვლელად 6 პოლიციელს ხუთი საათი დასჭირდა.