ეკა ბესელია ,ჯვრის მონასტერზე წერილს აქვეყნებს

ეკა ბესელია ,ჯვრის მონასტერზე წერილს აქვეყნებს

როგორც ეკა ბესელია "ფეისბუქის" პირად გვერდზე წერს,

"ჩემი სოლიდარობა და მხარდაჭერა ჯვრის მონასტერს და მის წინამძღვარს. ვიცი რამდენად რთული იყო მისთვის ამ გადაწყვეტილების მიღება. უკიდურეს  მდგომარეობამდე მიიყვანეს მოძღვარი. 1997 წლიდან მრევლი ვარ ამ მონასტრის და ვიცნობ მამა კონსტანტინეს როგორი დიდბუნებოვანი და საოცრად კარგი ადამიანია.

რამდენი ხანია ცდილობს მოაგვაროს ეს პრობლემა. ვინ არ შეაწუხა... უამრავი სტუმარი ჩამოდის და მონასტრის წინ ისეთი ანტისანიტარიაა და მოუწესრიგებლობა, რომელიც ვერანაირ კრიტიკას ვერ უძლებს. რაც მთავარია კანონი ირღვევა, გარე ვაჭრობა აკრძალულია. უნებართვოდ  ხდება ადგილას ვაჭრობა. არ ვიცი ვისი ინტერესია, რომ რეაგირება არ ხდება... მე პირადად მივმართე არაერთი წერილით მცხეთის მუნიციპალიტეტს, როგორც იურიდიული კომიტეტის თავმჯდომარემ, გუბერნატორს კანონის აღსრულების მიზნით. რატომ არ ხდება კანონის დაცვა და აღსრულება  - ამაზე უნდა ისაუბროს მერმა და პასუხისმგებელმა პირებმა.  იმედია სამართლებრივად მოგვარდება ეს საკითხი, ნაცვლად მონასტრის მოძღვრის გაკიცხვისა", - წერს ეკა ბესელია.

ჯვრის მონასტერი ტურისტებისთვის სამი დღეა, ჩაკეტილია. იქ არც ქართველ და არც უცხოელ მომლოცველებს და დამთვალიერებლებს უშვებენ. გადაწყვეტილება მონასტრის წინამძღოლმა, კონსტანტინე ჯინჭარაულმა ერთპიროვნულად მიიღო.

მიზეზად მონასტრის მიმდებარე ტერიტორიაზე მიმდინარე გარევაჭრობა დასახელდა. მონასტრის წინამძღოლის გადაწყვეტილებით, კარი არ გაიღება, სანამ გარემოვაჭრეები ტერიტორიას არ დატოვებენ.

16 იან 2019

ქუთაისი-წყალტუბოს გზაზე სამგლოვიარო-საპროტესტო აქცია გაიმართა

ქუთაისი-წყალტუბოს გზაზე სამგლოვიარო-საპროტესტო აქცია გაიმართა

,,დაარეგულირე სიცოცხლისთვის"- ამ სლოგანით ქუთაისში სამგლოვიარო-საპროტესტო მსვლელობა გაიმართა.

მოქალაქეები ყინულის მოედანთან შეიკრიბნენ და წყალტუბოს გზაზე იმ ადგილზე მივიდნენ, სადაც ორი დღის წინ ავარიით სამი ახალგაზრდა გარდაიცვალა.

აქცია გუშინ სოციალურ ქსელში მას შემდეგ დაიგეგმა, რაც 14 იანვარს წყალტუბო-ქუთაისის გზაზე საზარელი ავტოსაგზაო შემთხვევა მოხდა, რასაც სამი ახალგაზრდა ბა­ქარ ზივ­ზი­ვა­ძე, გი­ორ­გი ხა­რა­ტიშ­ვი­ლი და ნი­კუ­შა ჭან­ტუ­რია ემსხვერპლა.

აქციის მონაწილეების განცხადებით მათი მთავარი მოთხოვნაა ამ მონაკვეთზე, შესაბამისი უწყებების მხრიდან საგზაო-სატრანსპორტო უსაფრთხოების უზრუნველყოფა მოხდეს.

"ამ გზაზე ძალიან ხშირია საავარიო შემთხვევები და არაერთი დასრულდა ფატალურად, თუმცა საზოგადოების ინერტული დამოკიდებულების გამო რეალობა არ შეცვლილა და აღნიშნული გზა დღემდე საფრთხის შემცველია. ქუთაისი-წყალტუბოს გზაზე არ არსებობს სიჩქარის შემზღუდველი და მარეგულირებელი არც ერთი ნიშანი"-აცხადებენ აქციის მონაწილეები.

16 იან 2019

მეტროსადგურ სამგორის რეაბილიტაციას თბილისის სატრანსპორტო კომპანია დაასრულებს

მეტროსადგურ სამგორის რეაბილიტაციას თბილისის სატრანსპორტო კომპანია დაასრულებს

თბილისის მერის კახი კალაძის განცხადებით, ტენდერში გამარჯვებულმა კომპანიამ სამუშაოების დასრულება ვერ შეძლო. კომპანიის მიმართ კანონით გათვალისწინებული ღონისძიებები გატარდა. თბილისის მერი არ გამორიცხავს, რომ შეიქმნას „შავი სია“, სადაც უპასუხისმგებლო კომპანიები მოხვდებიან და მსგავსი პრეცედენტები აღარ მოხდება. 

„მაგალითად, ვარკეთილის ხიდის სარეაბილიტაციო სამუშაოები გაგრძელდა 7 თვის განმავლობაში. 50 მეტრი მონაკვეთის რეაბილიტაცია ხდებოდა 7 თვის განმავლობაში. ეს კატასტროაფაა. კატეგორიულად მიუღებელია ეს დამოკუდებულება ასეთი კომპანიები არ უნდა იყვნენ ჩვენს გვერდში. ყველაფერი გააკეთეთ იმისთვის, რომ მათ ვერ გაბედონ ტენდერებში მონაწილეობა. ეს აფერხებს იმ პროექტების განხორციელებას, რომელიც ჩვენ გვაქვს დაგეგმილი“, - განაცხადა კახა კალაძემ.

16 იან 2019

თბილისის მერია ვახუშტის ხიდის რეაბილიტაციას იწყებს

თბილისის მერია ვახუშტის ხიდის რეაბილიტაციას იწყებს

თბილისის მერიის ინფრასტრუქტურის განვითარების საქალაქო სამსახური ვახუშტის ხიდის რეაბილიტაციას იწყებს, - ამის შესახებ დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე განაცხადა.

16 იან 2019

ქეთი დოლიძე - ირაკლი კობახიძე დაუკრეფავშია გადასული, დროა ივანიშვილმა "ქართული ოცნება" გაწმინდოს

ქეთი დოლიძე - ირაკლი კობახიძე დაუკრეფავშია გადასული, დროა ივანიშვილმა "ქართული ოცნება" გაწმინდოს

რეჟისორი ქეთი დოლიძე, რომელიც "ქართული ოცნების" შექმნიდან პარტიის აქტიური მხარდამჭერი იყო, უზენაესი სასამართლოს მოსამართლეების შერჩევის პროცესს მწვავე განცხადებებით ეხმაურება. 

 

"არცერთ მთავრობაზე ჯვარდაწერილი არ ვყოფილვარ. რაც დღეს ხდება კატეგორიულად მიუღებელია. დაუშვებელია მურუსუძის კატეგორიის ხალხი სასამართლოში უვადოდ ინიშნებოდეს. მოსამართლეებს, რომლებსაც ათას სიბინძურეზე აქვთ ხელი მოწერილი მხარს უჭერენ "ოცნების" ის წევრები, რომელთა ნახევარს საერთოდ არ ვიცნობ და არც ის ვიცი საერთოდ რატომ არიან პარლამენტში" - აცხადებს ქეთი დოლიძე. 

 

რეჟისორი მოსამართლეების საკითხზე გაკეთებული განცხადებების გამო პარლამენტის თავმჯდომარესაც აკრიტიკებს, ხოლო ბიძინა ივანიშვილს გუნდის შემადგენლობის დაუყოვნებლივ გადახედვისკენ მოუწოდებს. 

 

"ირაკლი კობახიძე დაუკრეფავშია გადასული. მასთან ერთად კიდევ ბევრი იყენებს ბოროტად ბიძინა ივანიშვილის სახელს. კარგია, რომ ის დაბრუნდა პოლიტიკაში. მე ივანიშვილის მადლობელი ვარ ბევრი საქმის გამო თუმცა დღეს მაქვს პრეტენზია, რომ "ოცნება" აუცილებლად უნდა გაწმინდოს შეკედლებული ხალხისგან" - აცხადებს ქეთი დოლიძე. ამასთან ის ემხრობა, რომ მოსამართლეების დანიშვნის საკითხის გარჩევაში საზოგადოება აქტიურად ჩაერთოს. 

 

15 იან 2019

სამეგრელოში „ტამიფლუ“ 241-მა პაციენტმა მიიღო

სამეგრელოში „ტამიფლუ“ 241-მა პაციენტმა მიიღო

ზუგდიდის ააიპ „საზოგადოებრივი ჯანდაცვის“ ცენტრის დირექტორის ნანა ოდიშარიას ინფორმაციით, რეგიონში „ტამიფლუს“ ახალი პარტია უკვე ჩამოვიდა და სააფთიაქო ქსელებშიც დარიგდა. ოდიშარიამ „პრაიმტაიმს“ უთხრა,რომ რომ მარაგს რეგიონის მასშტაბით კიდევ 260 კოლოფი პრეპარატი დაემატა. 

 

„ამ დროისთვის რეგიონის ჯანდაცვის ცენტრებმა 1758 ფლაკონი „ტამიფლუ“ გასცეს. მარაგი დარჩენილი იყო 80 კოლოფი და დაემატა 260. დღეის მონაცემებით საზოგადოებრივი ჯანდაცვის ცენტრში 14 პაციენტზე გაიცა „ტამიფლუ“,ხოლო დანარჩენებმა აფთიაქებში ფორმა ასით მიიღეს ეს მედიკამენტი“,- უთხრა „პრაიმტაიმს“ ნანა ოდიშარიამ.

 

მისივე ინფორმაციით,ორი კვირის განმავლობაში სულ „ტამიფლუ“ მიიღო სამეგრელოს მასშტაბით 241 პაციენტმა. ამ დროისთვის ზუგდიდის რეფერალურ ჰოსპიტალს ამბულატორიულად მიმართა 42 პაციენტმა,აქედან ერთი რეანიმაციაში რჩება.

 

15 იან 2019

"შეიძლება არც იყოს თებერვალში მეორე პიკი..." - დავით სერგეენკო გრიპის ვირუსთან დაკავშირებით

"შეიძლება არც იყოს თებერვალში მეორე პიკი..." - დავით სერგეენკო გრიპის ვირუსთან დაკავშირებით

ჯანდაცვის მინისტრის დავით სერგეენკოს განცხადებით, გრიპის ვირუსის გავრცელების პიკი თებერვლის ბოლოსთვის აღარ იყოს.

 

ამის შესახებ დავით სერგეენკომ ჟურნალისტებს ჯანდაცვის სამინისტროში გამართული შეხვედრის ბოლოს განუცხადა და აღნიშნა, რომ გრიპის ვირუსის მეორე პიკთან დაკავშირებით, მხოლოდ თეორიული ვარაუდი არსებობს. 

 

"სეზონური გამწვავებები ხასიათდება დაახლოებით თვენახევრიანი ხანგრძლივობით. დინამიკა კლებისკენ მიდის. თებერვალში მცირე პიკს ვვარაუდობ იქიდან გამომდინარე, რომ ევროპაშიც იგივე მდგომარეობაა, იზრდება გრიპით ავადობა. ჩვენ სადღაც სამკვირიანი პერიოდით ვასწრებთ მათ ფაზაში. ვვარაუდობთ, რომ მოგზაურობით და გადაადგილებით შეიძლება ევროპიდან იქნას ჩამოტანილი, თუმცა მის სიდიდეს და ხანგრძლივობას არ ვვარაუდობთ. შეიძლება არც იყოს ეს მეორე პიკი რაიმე მტკიცებულება ამის არ გვაქვს, უბრალოდ თეორიული ვარაუდია", - განაცხადა დავით სერგეენკომ. 

 

დაავადებათა კონტროლის ეროვნული ცენტრის ინფორმაციით, გრიპის სეზონური მატების პიკი თებერვლის ბოლოს, მარტის დასაწყისშია მოსალოდნელი. ავადობა ძირითადად ბავშვთა იმ კონტიგენტშია მოსალოდნელი, რომლებსაც წინა სეზონებში გრიპი არ გადაუტანია.

 

საქართველოში გრიპმა უკვე 17 ადამიანის სიცოცხლე შეიწირა. ამჟამად გრიპის ვირუსის გართულების გამო სტაციონარში 660 ადამიანი მკურნალობს. მათგან 42 მძიმე მდგომარეობაშია, იმყოფებიან რეანიმაციულ განყოფილებებში. ბოლო სტატისტიკა აჩვენებს, რომ გრიპით ასი ათას მოსახლეზე 253 პაციენტია დაავადებული.

 

საქართველოში გრიპის ეპიდემია არ არის, მაგრამ ჯანდაცვის სამინისტრო დაჟინებით ურჩევს მოსახლეობას, დაავადების პირველივე სიმპტომებისთანავე ექიმს მიმართ

 

15 იან 2019

მეცნიერებმა ადამიანის სიკვდილის წინასწარმეტყველების ახალი მეთოდი შექმნეს

მეცნიერებმა ადამიანის სიკვდილის წინასწარმეტყველების ახალი მეთოდი შექმნეს



ამერიკელმა და ბრიტანელმა მეცნიერებმა ნაწლავის მიკროფლორის მიხედვით ადამიანის ბიოლოგიური ასაკის დადგენის მეთოდი შეიმუშავეს. თუ ანალიზის დროს საშიში ნიშნები გამოვლინდა, ბიოლოგიური ასაკის შესახებ მონაცემების გამოყენება ადამიანის უდროოდ სიკვდილის აღსაკვეთად შეიძლება. სამეცნიერო ნაშრომის შედეგები bioRxiv-ზე ქვეყნდება.

ადამიანის ნაწლავში უამრავი ბაქტერიაა, რომელთა უჯრედების რაოდენობა საგრძნობლად აჭარბებს თავად ორგანიზმის უჯრედებს. ცნობილია, რომ მიკროფლორა იმუნიტეტის ჩამოყალიბებაში მნიშვნელოვან როლს ასრულებს, ქმნის ნერვული სისტემისთვის მნიშვნელოვან ნივთიერებებს, ასევე გავლენას ახდენს დაბრების პროცესზე. რადგან ნაწლავის მიკრობიომის შემადგენლობა ცხოვრების განმავლობაში იცვლება, რთულია იმის განსაზღვრა, თუ ზუსტად რომელი ბაქტერიებია დაკავშირებული გარკვეული დაავადებების და დაბერების რისკთან.

ახალ კვლევაში 1165 ადამიანი (20-დან 90 წლამდე ასაკის) მონაწილეობდა. მათგან ნაწლავის მიკრობიობის 3663 ნიმუში აიღეს. ბიოლოგებმა ყველა ცალკეულ შემთხვევაში მიკროფლორის შემადგენლობა განსაზღვრეს და ის კვლევაში მონაწილეთა ბიოლოგიურ ასაკს დაუკავშირეს. მიღებული მონაცემები, რომლებიც მიკროორგანიზმის თითოეული სახეობის თვისებებს მოიცავდა, ნეირონული ქსელის ღრმა შესწავლისთვის გამოიყენეს. 

როგორც ტესტირებამ აჩვენა, „გაწრთვნილი“ ნეირონული ქსელი ადამიანის ასაკს მისი მიკროფლორის შემადგენლობის მიხედვით 3,94 წლის ცდომილებით წინასწარმეტყველებდა. შემდგომმა ანალიზმა აჩვენა, რომ ადამიანის ბიოლოგიურ ასაკს განსაზღვრავს მიკროორგანიზმების 39 ტაქსონი (საფეხური).

აღმოჩნდა, რომ დაბერება ნაკლებადაა დაკავშირებული ნაწლავში სასარგებლო ან მავნე ბაქტერიების არსებობასთან. გარდა ამისა, მოხუცი ადამიანებისათვის დამახასიათებელი მიკროორგანიზმები აუილებლად არ უწყობს ხელს ასაკთან დაკავშირებული დაავადებების განვითარებას.

14 იან 2019

112 სასწრაფო დახმარების მხოლოდ გადაუდებელი საჭიროების შემთხვევაში გამოძახებისკენ მოუწოდებს

112 სასწრაფო დახმარების მხოლოდ გადაუდებელი საჭიროების შემთხვევაში გამოძახებისკენ მოუწოდებს

112 მოქალაქეებს მოუწოდებს, სასწრაფო დახმარება მხოლოდ გადაუდებელი დახმარების საჭიროების შემთხვევაში გამოიძახონ. ამის შესახებ შსს-ს მიერ გავრცელებულ განცხადებაშია ნათქვამი.

09 იან 2019

12 წლის გოგონა, რომელიც ნაადრევად ბერდება,

12 წლის გოგონა, რომელიც ნაადრევად ბერდება,

ადალია როუზი 12 წლის გოგონაა, რომელსაც უიშვიათესი დაავადება აქვს. პროგერია, იგივე ჰატჩინსონ-გილფორდის სინდრომი, ნაადრევ დაბერებას იწვევს. ადალია როუზი ნორმალურზე 10-ჯერ სწრაფი ტემპით ბერდება.

უმძიმესი სინდრომის მქონე 12 წლის გოგონა ამერიკული სოციალური მედიის ვარსკვლავი გახდა. იგი „იუთუბზე“ აქტიურად აქვეყნებს ვიდეოს და უამრავი ადამიანისთვის მოტივატორადაც იქცა. მისი ენთუზიაზმი და სიცოცხლის სიყვარული, ბევრისათვის შთაგონების წყაროც გახდა. იგი აქვეყნებს როგორც სახუმარო ვიდეოებს, ასევე ინსტრუქციებს თუ როგორ მოვუაროთ სახის კანს და როგორ გავიკეთოთ მაკიაჟი.

როგორც თავად ამბობს, მას ძალიან უყვარს ამ ვიდეოების ჩაწერა, მოსწონს „ბარბით“ თამაში და მაკიაჟის კეთება.

ადალიას მშობლების თქმით, არ იციან თუ როდემდე იცოცხლებს მათი შვილი და ამიტომ, ცდილობენ ამ თემაზე არ იფიქრონ და ყოველი დღით დატკბნენ.

პროგრეიას სინდრომის მქონე ბავშვები, როგორც წესი 15-16 წლის ასაკამდე ან იშვიათ შემთხვევაში 20 წლამდე ცხოვრობენ. მსოფლიოს მასშტაბით, ამ სინდრომით მხოლოდ 100 ბავშვია დაავადებული.

08 იან 2019

გრიპის ვირუსის შემთხვევები შემცირდა

გრიპის ვირუსის შემთხვევები შემცირდა

ჯანდაცვის სამინისტროს ინფორმაციით წინა კვირასთან შედარებით გრიპის ვირუსით ინფიცირებულთა რაოდენობა 21 ერთეულით შემცირდა.

„კლების ტენდენცია გვაქვს წინა კვირასთან შედარებით. ვითარება ეპიდემიასთან ახლოსაც კი არ არის. ეპიდემია იმ შემთხვევაში ითვლება  თუ კი დაინფიცირებულთა რაოდენობა 100 ათას მოსახლეზე 450-500 მიაღწევს- „ განუცხადეს „პრაიმტაიმსს“ ჯანდაცვის სამინისტროში

გასულ კვირას 100 ათას მოსახლეზე ლაბორატორიულად დადასტურებული გრიპის 277 შემთხვევა დაფიქსირდა. გარდაცვლილთა რაოდენობამ კი ათს მიაღწია

08 იან 2019

გერმანიაში საშობაო საჩუქრებით უკმაყოფილო ბავშვმა პოლიცია გამოიძახა

გერმანიაში საშობაო საჩუქრებით უკმაყოფილო ბავშვმა პოლიცია გამოიძახა

გერმანიაში საშობაო საჩუქრებით უკმაყოფილო ბავშვმა პოლიცია გამოიძახა. ინფორმაციას ტელეკომპანია NDR-ი აქვეყნებს.

27 დეკ 2018

ციფრული მედიცინის პირველი ქართული ვებგვერდი შეიქმნა 12 ნოემბერი

ციფრული მედიცინის პირველი ქართული ვებგვერდი შეიქმნა  12 ნოემბერი

ინტერნეტსივრცეში პირველი ქართული ციფრული მედიცინის ეკოსისტემა შეიქმნა, სახელწოდებით tsamali.ge.

 

ის აერთიანებს შემდეგ სერვისებს: ექიმთან და კლინიკაში ვიზიტის დაჯავშნა, მედიკამენტების ანოტაციების ბაზა, სამედიცინო აქციები, ფასდაკლებები, ბლოგი, საზღვარგარეთ მკურნალობის მიმართულება.

 

 

ინფორმაციას Navigator-ი ავრცელებს. ვებგვერდის შემქმნელების თქმით, საიტს მალე ფასებთან დაკავშირებული ინფორმაციაც დაემატება.

 

 

„ჩვენი ინოვაციურობა ციფრული სიახლეების ძიება დანერგვაშია. გვინდა საქართველოში მოსახლეობას უკეთესი, ხელმისაწვდომი და გამარტივებული ციფრული სამედიცინო ეკოსისტემა შევუქმნათ. სტრესული და მძიმე სამუშაო გრაფიკი გვაქვს, თუმცა ძალიან საინტერესო, რაც იმის საწინდარია, რომ მალე ბევრ სიახლეს შევთავაზებთ მოსახლეობასა და ბიზნესს“, – თქვა პროექტის დირექტორმა ლადო კანდელაკმა.

 

 

ვებგვერდზე განთავსებულია ინფორმაცია 4714 ექიმისა და 1064 კლინიკის შესახებ. ასევე, დევს 3463 წამლის ანოტაცია.

 

25 დეკ 2018

თემქაზე, კლინიკაში 2 წლის გოგონა გარდაიცვალა

თემქაზე, კლინიკაში 2 წლის გოგონა გარდაიცვალა

თემქაზე, პედიატრიულ "პრივატ კლინიკაში" ორი დღის წინ, 2 წლის გოგონა გარდაიცვალა.

როგორც „2020news“-ს კლინიკაში განუცხადეს, პატარას გარდაცვალების მიზეზი ფილტვების ანთება გახდა.

„საავადმყოფოში ერთი კვირის წინ მძიმე მდგომარეობაში შემოიყვანეს. ფილტვებზე ჰქონდა პრობლემა. სამწუხაროდ, მისი გადარჩენა ვერ შევძელით. მძიმე ფილტვების ანთებით დაიღუპა“, – განუცხადეს სააგენტოს კლინიკაში.

როგორც "პრაიმტაიმს" შსს-ში განუცხადეს, საქმეზე გამოძიება 116 - ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.

23 დეკ 2018

იქცევა თუ არა დოპინგის გამოყენება სისხლის სამართლის დანაშაულად?

იქცევა თუ არა დოპინგის გამოყენება სისხლის სამართლის დანაშაულად?

ამერიკელმა სენატორებმა – შელდონ უაიტჰაუსმა და ორინ ჰეტჩმა საერთაშორისო ტურნირებზე დოპინგის გამოყენებისთვის სისხლის სამართლის პასუხისმგებლობის შესახებ კანონპროექტი შეიტანეს, – ინფორმაციას CNN ავრცელებს.

სენატორები მოითხოვენ, რომ დოპინგ-დანაშაულისთვის სპორტსმენები მკაცრად დაისაჯონ. მათი ჩანაფიქრით, ეს კანონი იმოქმედებს ყველა ამერიკელ სპორტსმენზე, რომლებიც საერთაშორისო ტურნირებში იღებენ მონაწილეობას, ასევე მათზე, ვისაც აშშ-ის ფირმები აფინანსებენ.

სასჯელად კი განისაზღვრება ჯარიმა ერთი მილიონი დოლარის ფარგლებში და 10 წლამდე ვადით პატიმრობა.

23 დეკ 2018

პატრიარქის განცხადება :ჩვენ ხშირად ვღებულობთ ღმერთისგან დახმარებას ,მაგრამ მადლობას არ ვწირავთ ნას

პატრიარქის განცხადება :ჩვენ ხშირად ვღებულობთ ღმერთისგან დახმარებას ,მაგრამ მადლობას არ ვწირავთ ნას

"ჩვენ ხშირად ვღებულობთ დახმარებას უფლისგან და მადლობას არ ვწირავთ მას", - ამის შესახებ საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საკვირაო ქადაგებისას სამების საკათედრო ტაძარში განაცხადა.

ილია მეორემ სახარებიდან იესოსა და კეთროვნების შეხვედრის შესახებ ისაუბრა. მისი განმარტებით, დღეს წაკითხული სახარება მიუთითებს იმაზე, რომ ადამიანი ყოველთვის უფლის მადლიერი უნდა იყოს და ღვთის მადლიერება არ დაავიწყდეს. „ჩვენ ლოცვაში - მომეცი უფალო, მილხინე უფალო, ყოველ გაჭირვების ჟამს ჩვენ ვთხოვთ უფალს დახმარებას. დღევანდელი სახარება მიგვითითებს იმის შესახებ, რომ მაცხოვარს შეეგებნენ ათნი კეთროვანნი ავადმყოფები: იესო, მოძღვარო, შეგვიწყალენ ჩვენ ცოდვილი. მაცხოვარი ეუბნება -წადით და ეჩვენეთ მოძღვარს. მოძღვარი თუ დაადასტურებდა იმას, რომ ის მორჩენილია, თავისუფალი იყო იმ ავადმყოფობისგან. როცა წავიდნენ მოძღვართან, გზაში განიკურნენ და ერთი მათგანი დაბრუნდა მაცხოვართან, დავარდა მუხლზე და ჰმადლობდა უფალს. უფალი ეუბნება - ათნივე ხომ განიკურნენ, ცხრანი სადღა არიან? ჩვენ ხშირად ვაკეთებთ ამას - ვღებულობთ დახმარებას უფლისგან და მადლობას არ ვწირავთ უფალს. იმ ცხრამ ვერ იპოვა სულიერი ძალა, რომ მისულიყვნენ და მადლობა შეეწირათ უფლისთვის. ეს იყო სამარიტელი. მაცხოვარი ეუბნება, სარწმუნოებამან შენმან გაცხოვნოს შენ. ღმერთმა ინებოს, რომ ჩვენც გვითხრას, სარწმუნოებამან გაცხოვნა შენ", - ბრძანა კათოლიკოს- პატრიარქმა.

პატრიარქმა მადლობა გადაუხადა მრევლს სიყვარულისთვის და აღნიშნა, რომ 23 დეკემბერი მისი პატრიარქად არჩევის დღეა და რომ არ ყოფილიყო მრევლის დახმარება, ის ვერ შეძლებდა ამდენი წლის განმავლობაში მძიმე ჯვრის ტვირთვას.

"დღეს ჩვენ ვმადლობთ უფალს. დღეს მე განსაკუთრებით ვმადლობ უფალს ჩვენი ეკლესიის სახელით, ერის სახელით. დღეს არის პატრიარქად არჩევის დღე. 23 დეკემბერს შედგა კრება წმიდისა სინოდისა და უფალმა ინება ჩემი არჩევა სრულიად საქართველოს კათალიკოს-პატრიარქად. მე მადლობელი ვარ უფლისა, რომ უფალმა დამაკისრა ეს მძიმე ჯვარი. უფალი, რომელიც აძლევს ჯვარს, აძლევს ძალას, რომ ზიდოს ის ჯვარი. დიდება და მადლობა უფალს, მადლობელი ვარ თქვენი, ჩვენი მოსიყვარულე მრევლისა. თქვენი დახმარება რომ არ ყოფილიყო, მე ვერ შევძლებდი ამდენი წლის განმავლობაში ამ ჯვრის ტვირთვას“, - აღნიშნა პატრიარქმა.

23 დეკ 2018

ავჭალაში 200 ადამიანზე გათვლილი დროებითი მოთავსების იზოლატორი აშენდება

ავჭალაში 200 ადამიანზე გათვლილი დროებითი მოთავსების იზოლატორი აშენდება

გიორგი გახარიამ შინაგან საქმეთა სამინისტროს რეფორმირების პროცესში, დროებითი მოთავსების იზოლატორების განვითარების  კომპონენტზე ისაუბრა. მისი განმარტებით, მომავალ წელს ავჭალაში 200 ადამიანზე გათვლილი დროებითი მოთავსების იზოლატორი აშენდება.

 

„კიდევ ერთი მიმართულება გახლავთ დროებით მოთავსების იზოლატორები, სადაც ინფრასტრუქტურულ ნაწილში ფაქტობრივად გადახალისდა მათი კომპონენტი. დღეის მდგომარეობით, როგორც ჩვენ თავიდანვე დაგპირდით, არ არსებობს არცერთი დროებითი მოთავსების იზოლატორი, სადაც ვიდეო-სამეთვალყურეო სისტემა სრულად არ ფუნქციონირებდეს. უფრო მეტიც, დღეის მდგომარეობით, 24 საათის მაგივრად ვიდეო-სამეთვალყურეო სისტემის მონაცემები ინახება 120 საათის განმავლობაში.

 

ასევე დროებით მოთავსების იზოლატორების ნაწილში, ჩვენ გვქონდა გარკვეული პრობლემები, მუდმივი სამედიცინო მომსახურების კონტექსტში. 7-დან გაიზარდა 14-მდე ის დაწესებულებები, სადაც უკვე არსებობს მუდმივი სამედიცინო მომსახურეობა, ხოლო წლის ბოლომდე, 2019-ის ბოლომდე, ყველა - 29-ვე დაწესებულებაში, იქნება მუდმივი სამედიცინო მომსახურეობა, რაც კრიტიკულად მნიშვნელოვანია ჩვენი მოქალაქეებისთვის. ასევე მინდა აღვნიშნო, რომ რუსთავის დროებითი მოთავსების იზოლატორში, გაჩნდა არასრულწლოვნებისთვის  სპეციალური სივრცე. რაც ყველაზე მნიშვნელოვანია ჩვენთვის, ინფრასტრუქტურულ ნაწილში 2019 წელს, თბილისში დაიწყება ახალი დროებითი მოთავსების იზოლატორის მშენებლობა, რომელიც განთავსდება ავჭალაში და რომელიც გათვლილი იქნება დაახლოებით 200 ადამიანზე.“ - განაცხადა გიორგი გახარიამ.

21 დეკ 2018

ზამთარი მარსზე – კოსმოსური ზონდიდან გადაღებული უნიკალური კადრები

ზამთარი მარსზე – კოსმოსური ზონდიდან გადაღებული უნიკალური კადრები

წილში ყინულის საფარის სისქე ევროპის კოსმოსურმა სააგენტო ზონდის Mars Express მიერ გადაღებულ უნიკალურ კადრებს ავრცელებს, რომლებზეც მარსზე კრატერი კოროლიოვია აღბეჭდილი.

 

კრატერი, რომელსაც სახელი კოსმოსური აპარატების საბჭოთა კონსტრუქტუორის სერგეი კოროლიოვის პატივსაცემად ეწოდა, მარსის ჩრდილო პოლარულ ქუდთან მდებარეობს.

 

 

კოროლიოვის კრატერის დიამეტრი 82 კილომეტრია და ის მუდმივად ყინულითაა დაფარული. კრატერის ცენტრალურ ნა1,8 კმ–ს შეადგენს.

21 დეკ 2018

უახლოეს დღეებში წმინდა სინოდის სხდომა გაიმართება

უახლოეს დღეებში წმინდა სინოდის სხდომა გაიმართება

წმინდა სინოდის სხდომა საპატრიარქოში წლის ბოლომდე გაიმართება. ამის შესახებ საპატრიარქოში "პრაიმტაიმს" განუცხადეს.

 

როგორც საპატრიარქოს საზოგადოებასთან ურთიერთობის სამსახურში აცხადებენ, ჯერჯერობით, უცნობია სხდომის გამართვის კონკრეტული თარიღი.

 

წმინდა სინოდი წელიწადში ორჯერ იკრიბება და ეკლესიისთვის მნიშვნელოვან საკითხებზე გადაწყვეტილებებს იღებს. 2018 წელს სინოდის მხოლოდ ერთი სხდომა, 21 ივნისს გაიმართა, შესაბამისად, მეორე სხდომა, წლის ბოლომდე უნდა გაიმართოს. 

 

21 დეკ 2018

რჩევა ქალებს

რჩევა ქალებს

ყველა ქალს სურს, რომ ფრჩხილის ლაქი მალე გაშრეს, მით უმეტეს თუ გეჩქარებათ, აი მარტივი რჩევა: ჩაყავით შეღებილი ფრჩხილები ცივ წყალში და სულ რაღაც სამიოდე წუთში ლაქი გაშრება.სავარცხელს თუ საყვარელ სუნამოს შეასხურებთ და შემდეგ თმას დაივარცხნით, თმაზე არომატი მთელი დღე გაგყვებათ.აღმოჩნდა, რომ გატეხილი პომადა შეგიძლიათ შეაკეთოთ, სანთებელათი გააცხელე იმ ადგილის ბოლო რომელიც მოძვრა, შეაწებე მოტეხილი ნაწილი და შემდეგ შედგით მაცივარში ნახევარი საათი.თუ აღმოჩნდა, რომ მოულოდნელად გაგითავდათ საპარსი გელი, იგი თავისუფლად შეგიძლიათ შეცვალოთ თმის ბალზამით, ისიც ეფექტურად არბილებს კანს და გაპარსვაც სრულიად გაგიადვილდებათ.ყველა გოგონას გარდერობში მოიძებნება სხვადასხვა ფერის სახის და თვალის ჩრდილები, მის ფხვნილს თუ ჩაუმატებთ უფერო ლაქში, გამოგივათ ორიგინალური ფერი, ექსპერიმენტები თქვენს ფანტაზიაზეა დამოკიდებული

 

21 დეკ 2018

ბერძნული კაკლის სასარგებლო თვისებები - აი, როგორ უნდა მიირთვათ ის!

ბერძნული კაკლის სასარგებლო თვისებები - აი, როგორ უნდა მიირთვათ ის!

ბერძნული კაკლის სამკურნალო თვისებების შესახებ ალბათ გსმენიათ, მაგრამ ალბათ გებადებათ კითხვა:რა რაოდენობით უნდა მივირთვათ ის, რომ მივიღოთ სარგებელი? ჯერ მოდით ვიხილოთ, რისთვის არის ის ასეთი განსაკუთრეებული:

კუნთოვანი ქსოვილისთვის

კაკალი შეიცავს ბევრ კალიუმს, პროტეინებს, უჯრედის მკვებავებს, რომლებიც საჭიროა კუნთოვანი ქსოვილის შენებისთვის. კაკალს მოიხმარენ მამაკაცები, რომლებსაც სურთ კუნთოვანი მასის მომატება და სავარჯიშო დარბაზში დადიან. ქალებისთვის კი კაკალი არის ცხიმების მწველი საშუალება, ის ასევე აჩქარებს ნივთიერებათა ცვლას.

ონკოლოგიური დაავადებების პროფილაქტიკისთვის

 

ბერძნული კაკალი დიდებულია თავისი თვისებით, ის ხელს უშლის კიბოს უჯრედების ფორმირებას. მასში შემავალ ნივთიერებებს უმატებენ წამალში, რომელიც კიბოს საწინააღმდეგოდ გამოიყენება.

 

არტერიული წნევის დასაწევად

 

თუ მაღალწნევიანი ხართ ან ზოგჯერ გიწევთ ხოლმე მაღლა, ბერძნული კაკალი გამოიყენეთ. ანტიოქსიდანტები, რომელსაც კაკალი შეიცავს, საბოლოოდ არტერიული წნევის ნორმალიზებას უწყობს ხელს.

 

 

ფრჩხილებისთვის

 

ბერძნული კაკალი ფრჩხილებისთვისაც კარგია. თუ ალერგიული არა ხართ ამ პროდუქტზე, შეგიძლიათ შეუზღუდავად მიირთვათ. ბავშვებისთვის 8 ცალი კაკალი დღეში საკმარისია, ხოლო ზრდასრული ადამიანისთვის 15 ცალი დღეში.

 

 

ნაწლავების გასაწმენდად

 

ნაწლავების გასაწმენდად ბერძნული კაკალი კარგი საშუალებაა. კაკალი უნდა მიირთვათ პერიდოულად, ორგანიზმის კომპლექსური გაწმენდისთვის .

 

ნივთიერებათა ცვლა

დიეტოლოგები ხშირად იეყენებენ ბერძნულ კაკალს, რადგან მას შეუძლია ნივთიერებათა ცვლის დაჩქარება.

 

სისხლძარღვებისა და გულისათვის

 

სპეციალისტები ხშირად ურჩევენ გულ-სისხლღარღვთა დაავადებების მქონე პირებს, მიირთვან ბერძნული კაკალი. ის ხელს უშლის თრომბის, ათეროსკლეროზის, გულის პათოლოგიებისა და სისხლძარღვების დაავადებების წარმოშობას.

 

 

თავის ტვინისთვის

 

ბერძნული კაკალი ორგანიზმში მოხვედრისას, ახდენს თავის სტვინის ნეირონების სტიმულირებას. ხელს უწყობს კოგნიტური უნარების განვითარებას. აუმჯობესებს მეხსიერებასა და აზროვნებას.

 

21 დეკ 2018

„ჩემმა შვილმა მითხრა, შენ ამას ვერ გაუძლებდიო…

„ჩემმა შვილმა მითხრა, შენ ამას ვერ გაუძლებდიო…

“ჩვენ ძალიან პატარები ვართ და არაფერი ვართ იმ დიდ ხელოვნებასთან შედარებით, რასაც მსოფლიო რანგის ხელოვანი ნინო ანანიაშვილი ემსახურება” – ამის შესახებ მომღერალმა თამრიკო ჭოხონელიძემ გადაცემა “360 გრადუსში” ისაუბრა.

“პირველ რიგში ჩემი გაოცება მინდა გამოვახტო იმიტომ, რომ უბრალოდ არ მეგონა მსგავსი რამ  თუ გაიჟღერებდა ქართულ მედია სივრცეში და სოციალურ ქსელებში. ხომ იცით გამსახურდიას ცნობილი გამონათქვამი, როცა მეფე გიორგი ამბობს, დიდი კაცი თუ გამოგვერია ვინმე ისე დავკორტნით ერთმანეთსო, როგორც დაკოდილ ძერას ყვავებიო…ჩვენ ხომ არ ვიცით დაფასება ერთმანეთის და მით უმეტეს, დიდი ხელოვანის… მე არ ვარ ქსელებში გაწევრიანებული და კიდევ კარგი… ჩემმა შვილმა მითხრა, შენ ამას ვერ გაუძლებდიო… თუ ეს მხოლოდ ოქიტაშვილის აზრია, აბსოლუტრად არაფრად მივიჩნევ, საერთოდ არ მოვახდენ ამაზე რეაქციას, რადგან ჩვენ ძალიან პატარები ვართ და არაფერი ვართიმ დიდ ხელოვნებასთან შედარებით, რასაც მსოფლიო რანგის ხელოვანი ნინო ანანიაშვილი ემსახურება…მე ერთმა არასასიამოვნო ფრაზამ მომჭრა ყური, მითხრეს, რომ მას უნდოდა ესიამოვნებინა ხელისუფლებისთვის, ჩემთვის ეს არის ყველაზე შემაშფოთებელი. თუ ჩვენს ხელისუფლებაში ერთი ადამიანი მაინც არსებობს ისეთი, რომელსაც ოქიტაშვილის ეს განცხადება ესიამოვნა, არაფრის ღირსები არ ვართ და უკან დაგვიბრუნდება საუკუნის წინ ნათქვამი ფრაზა, “ფურთხის ღირსი ხარ შენ საქართველო!”  – განაცხადა თამრიკო ჭოხონელიძემ

 

21 დეკ 2018

დავით ოქიტაშვილი: ოპერისა და ბალეტის თეატრი უნდა გათავისუფლდეს ნინო ანანიაშვილისგან

დავით ოქიტაშვილი: ოპერისა და ბალეტის თეატრი უნდა გათავისუფლდეს ნინო ანანიაშვილისგან

საქართველოს კულტურის პალატის პრეზიდენტი დავით ოქიტაშვილი პერმანენტულ აქციებს აანონსებს -  მთავარი მოთხოვნა ნინო ანანიაშვილის მიერ ხელმძღვანელი პოზიციის დათმობა ან მეუღლის შეხედულებებისგან გამიჯვნა იქნება. ბრიფინგს დაესწრო ქორეოგრაფიული სასწავლებლის ყოფილი დირექტორი ნუგზარ მახათელი, რომელიც ამჟამად საზღვარგარეთ მოღვაწეობს. მან ვახტანგ ჭაბუკიანის სასწავლებლში არსებულ არასახარბიელო მდგომარეობასა და სწავლის სისტემის პრობლემებზე ისაუბრა. მისი თქმით, ნინო ანანიაშვილი მნიშვნელოვანი ფიგურაა საბალეტო ხელოვნებაში, როგორც მსახიობი, მაგრამ არა, როგორც დასის ხელმძღვანელი.

ოქიტაშვილი რუსეთში გამართულ კონცერტზე პაატა ბურჭულაძის გამოსვლასაც ეხმაურება. მისთვის მიუღებელია კონცერტზე გამოსვლა, რომელსაც რუსეთის პრეზიდენტი ესწრება და არ ეთანხმება მოსაზრებას, რომლის მიხედვითაც, თითქოს პაატა ბურჭულაძემ ვლადიმერ პუტინის იქ ყოფნის შესახებ არ იცოდა, რადგან ასეთი მასშტაბის კონცერტებზე დამსწრე საზოგადოების შესახებ ინფორმაცია თვეებით ადრე ხდება ცნობილი.

მისი თქმით, ბურჭულაძეს შეეძლო პუტინის დანახვის შემდეგ ჩამოსულიყო სცენიდან და ამით გმირი გამხდარიყო. დავით ოქიტაშვილი ოპერაში არსებულ მდგომარეობასაც შეეხო. მისი განცხადებით, დაუშვებელია ოპერას ხელმძღვანელობდეს ადამიანი, რომლის მეუღლეც მთავრობის დამხობაზე საუბრობს. მისივე ინფორმაციით, თეატრში კრიზისული ვითარებაა, ოპერის მომღერლებს არ აქვთ წესიერად მუშაობის საშუალება, შეზღუდულია საოპერო და საბალეტო დასის უფლებები და ორმაგი სტანდარტებით იმართება.

 

20 დეკ 2018

დემნა გვასალიას ტანსაცმელი მიშელ ობამამ ჩაიცვა

დემნა გვასალიას ტანსაცმელი მიშელ ობამამ ჩაიცვა

მიშელ ობამამ დემნა გვასალიას გა­ზა­ფხუ­ლი-ზა­ფხუ­ლის კო­ლექ­ცი­ის კაბა და ჩექმა ჩაიცვა.აშშ-ის ყოფილი პირველი ლედი მი­შელ ობა­მა სარა ჯე­სი­კა პარ­კერ­თან გადაცემაში სა­კუ­თარ წიგნ­ზე სა­სა­უბ­როდ Balenciaga-ს 4 ათას დო­ლა­რად ღი­რე­ბუ­ლი ჩექ­მით და ყვი­თე­ლი კაბით მივიდა. ამის შესახებ Daily Mail-ი წერს. 

კაბა Balenciaga-ს 2019 წლის გა­ზა­ფხუ­ლი - ზა­ფხუ­ლის კო­ლექ­ცი­ი­დან არის, მო­დის სახ­ლის კრე­ა­ტი­უ­ლი დი­რექ­ტო­რი კი ქარ­თვე­ლი დი­ზა­ი­ნე­რი, დემ­ნა გვა­სა­ლი­აა.

 

20 დეკ 2018

კობახიძე: პოლიციელების შეურაცხყოფა არ შეიძლება ყოველდღიურობა გახდეს, ამაზე საჭირო იყო პასუხი

კობახიძე: პოლიციელების შეურაცხყოფა არ შეიძლება ყოველდღიურობა გახდეს, ამაზე საჭირო იყო პასუხი

პარლამენტის თავმჯდომარის ირაკლი კობახიძის განცხადებით, არ შეიძლება რომ პოლიციელის შეურაცხყოფა ყოველდღიურობა გახდეს. კობახიძის თქმით, მომხდარზე საჭირო იყო ხელისუფლების მხრიდან პასუხი. ასე გამოეხმაურა პარლამენტის თავმჯდომარე დავით კირკიტაძისთვის წინასწარი პატიმრობის შეფარდებას. მის კომენტარს 1tv.ge ავრცელებს.=

„არავითარ შემთხვევაში არ შეიძლება, პოლიციელების სხვადასხვა ფორმით შეურაცხყოფა გახდეს ყოველდღიურობა და ამის ტენდენცია გამოიკვეთა ბოლო პერიოდის განმავლობაში. ამას სჭირდებოდა პასუხი და ეს პასუხი გაეცა კანონის ფარგლებში, რა თქმა უნდა, ხელისუფლება ასე უნდა მოქმედებდეს. დაუშვებელია უარყოფითი ტენდენციებისთვის გზის მიცემა, ეს არ იქნებოდა სწორი. აქედან გამომდინარე, საჭირო იყო ხელისუფლების მხრიდან პასუხის გაცემა. ოპოზიციისთვის ალტერნატიული გზა იყო შეთავაზებული, რომელსაც 20 წუთით მეტი სჭირდებოდა, თუმცა აშკარად ოპოზიციას იმ დღეს ჰქონდა თვითმიზანი, მოეწყო პროვოკაცია. ეს მათ შეძლეს, შეძლეს პოლიციელებისთვის შეურაცხყოფის მიყენება“, – განაცხადა ირაკლი კობახიძემ.

გურჯაანის რაიონულმა სასამართლომ დავით კირკიტაძეს აღკვეთის ღონისძიებად წინასწარი პატიმრობა შეუფარდა.

დავით კირკიტაძეს ბრალი ოფიციალურად 19 დეკემბერს წარუდგინეს. კირკიტაძე შსს-მ პოლიციელზე თავდასხმის, ფიზიკური შეურაცხყოფისა და ქონების დაზიანების გამო 17 დეკემბერს გურჯაანში დააკავა. ამ დროს ის თანაგუნდელთან, ნიკა მელიასთან ერთად  იყო.

20 დეკ 2018

დავით კირკიტაძეს წინასწარი პატიმრობა შეეფარდა

დავით კირკიტაძეს წინასწარი პატიმრობა შეეფარდა

გურჯაანის რაიონულმა სასამართლომ დავით კირკიტაძეს აღკვეთის ღონისძიებად წინასწარი პატიმრობა შეუფარდა.

20 დეკ 2018

მართვის მოწმობაზე დარიცხული 100 ქულა 90 მძღოლს ამოეწურა

 მართვის მოწმობაზე დარიცხული 100 ქულა 90 მძღოლს ამოეწურა

მიმდინარე წლის 11 დეკემბრის მონაცემებით, მართვის მოწმობაზე დარიცხული 100 ქულა 90 მძღოლს ამოეწურა, შესაბამისად, მათ მართვის უფლება შეუჩერდათ. 994 108 პირს კი, 100-ვე ქულა შენარჩუნებული აქვს. ამის შესახებ ინფორმაციას 1tv.ge ავრცელებს.

მართვის მოწმობას ამ მომენტისთვის ქვეყანაში 1230 689 პირი ფლობს. შესაბამისად, დარიცხული ქულიდან არც ერთი არ ჩამოკლებია მძღოლების დაახლოებით 81 პროცენტს.

მართვის მოწმობის 100-ქულიანი სისტემა 2017 წლის პირველი ივლისიდან ამოქმედდა და სხვადასხვა დარღვევაზე ქულათა გარკვეული რაოდენობის ჩამოჭრას ითვალისწინებს. ქულების განულების შემთხვეევაში, მძღოლს მართვის უფლება უწყდება. მის დასაბრუნებლად შეუძლია, გამოცდა ჩააბაროს ან მომდევნო წელს დაელოდოს, როდესაც 100 ქულა ხელახლა დაერიცხება.

ქულათა გამოკლების სისტემა მხოლოდ პატრულის მიერ პირისპირ დაჯარიმების შემთხვევაში მოქმედებს.

19 დეკ 2018

ახალი წლის ღამეს თბილისში საზოგადოებრივი ტრანსპორტი უფასოდ იმოძრავებს

ახალი წლის ღამეს თბილისში საზოგადოებრივი ტრანსპორტი უფასოდ იმოძრავებს

ახალი წლის ღამეს საზოგადოებრივი ტრანსპორტი მგზავრებს უფასოდ მოემსახურება, - ამის შესახებ თბილისის მერმა კახა კალაძემ მუნიციპალიტეტის მთავრობის 19 დეკემბრის სხდომაზე განაცხადა.

კახა კალაძის თქმით, დედაქალაქში 31 დეკემბრის 23:00-დან, 74 მარშრუტზე 156 ერთეულამდე ავტობუსი 30-წუთიანი ინტერვალით იმოძრავებს

„ტრადიციულად წელსაც, ახალი წლის ღამეს საზოგადოებრივი ტრანსპორტი უფასოდ იმოძრავებს და დედაქალაქის მოსახლეობას მოემსახურება. 31 დეკემბერს, თბილისის „მეტროპოლიტენის“, ავტობუსებისა და საბაგირო „რიყე-ნარიყალას“ სამუშაო საათები გახანგრძლივდება და მგზავრებს უფასოდ გადაადგილების შესაძლებლობა ექნებათ. ამ რეჟიმში „მეტროპოლიტენი“ და ავტობუსები იმუშავებს 31 დეკემბრის 23:00-დან პირველი იანვრის 04:00 საათამდე, ხოლო საბაგირო - 03:00 საათამდე. დედაქალაქში 74 მარშრუტზე 156 ერთეულამდე ავტობუსი, ძირითადად, 30-წუთიანი ინტერვალით იმოძრავებს. ისინი მგზავრებს სადღესასწაულო ღონისძიების ადგილამდე - პირველი რესპუბლიკის მოედნამდე, ასევე, მეტროსადგურებამდე და ცენტრალურ სატრანსპორტო კვანძებამდე გადაიყვანენ“, - აღნიშნა კალაძემ.

მისივე განცხადებით, შობის ღამეს „მეტროპოლიტენი“ მგზავრებს გახანგრძლივებული გრაფიკით, უფასოდ მოემსახურება. მეტრო 7 იანვარს, 00:00-დან 04:00 საათამდე იმუშავებს

დედაქალაქის მოსახლეობას ახალი წლის ღამეს ავტობუსების შემდეგი ნომრები მოემსახურება:  N1, N2, N3, N4, N6, N7, N8, N10, N11, N12, N13, N14, N15, N18, N19, N20, N23, N25, N27, N28, N30, N31, N34, N36, N37, N39, N40, N41, N42, N43, N44, N45, N47, N48, N49, N52, N53, N55, N56, N58, N60, N62, N63, N66, N68, N70, N71, N73, N74, N75, N76, N77, N78, N79, N80, N82, N84, N87, N88, N90, N91, N95, N99, N101, N103, N104, N106, N108, N109, N110, N112, N121, N122, N140.

 

19 დეკ 2018

იაპონელი მოხუცი მკვდარ ცოლთან ერთად ერთი წელი ცხოვრობდა

იაპონელი მოხუცი მკვდარ ცოლთან ერთად ერთი წელი ცხოვრობდა

იაპონიაში ფუკუოკას პრეფექტურაში 74 წლის პენსიონერი წელიწადზე მეტ ხანს არ მარხავდა ცოლს, რომელიც 2017 წლის ოქტომბერში გარდაიცვალა. ამის შესახებ AsiaOne-ი წერს.

19 დეკ 2018

გარყვნილ ქმედებაში ბრალდებულ მასწავლებელს 5-წლიანი პატიმრობა მიესაჯა

გარყვნილ ქმედებაში ბრალდებულ მასწავლებელს 5-წლიანი პატიმრობა მიესაჯა

65 წლის მასწავლებელს, რომელიც მოსწავლემ სექსუალურ შევიწროებაში დაადანაშაულა, 5-წლიანი პატიმრობა მიუსაჯეს. ინფორმაციას მთავარი პროკურატურა ავრცელებს. 

 

„ზუგდიდის რაიონულმა სასამართლომ სრულად გაიზიარა ბრალდების მხარის მიერ წარდგენილი მტკიცებულებები და გარყვნილი ქმედების ჩადენის ფაქტზე ბრალდებული ა.ვ. დამნაშავედ ცნო.

სასამართლო პროცესზე გამოკვლეული მტკიცებულებებით დადგინდა, რომ  2018 წლის 23 მარტს, ფეხბურთელთა გუნდის მწვრთნელმა - მასწავლებელმა, 65 წლის ა.ვ.-მ არასრულწლოვან მოსწავლე გოგონასთან გარყვნილი ქმედება ჩაიდინა"-ნათქვამია უწყების მიერ გავრცელებულ ინფორმაციაში.

 

მასწავლებელი 31 მარტს დააკავეს.

 

19 დეკ 2018

ვაჟა იორდანიშვილი: ტექდათვალიერებაგავლილი 130 000 ავტომობილიდან 40 000 უვარგისი აღმოჩნდა

ვაჟა იორდანიშვილი: ტექდათვალიერებაგავლილი 130 000 ავტომობილიდან 40 000 უვარგისი აღმოჩნდა

„ავტომობილების ინსპექტირების ორგანოების ასოციაციის“ თავმჯდომარე ვაჟა იორდანიშვილმა პრესკონფერენციაზე განაცხადა, რომ ტექდათვალიერებაგავლილი 130 000 ავტომობილიდან 40 000 უვარგისი აღმოჩნდა.

19 დეკ 2018

„დავით კირკიტაძე წაყენებულ ბრალს არ აღიარებს და მშრალ შიმშილობაზე გადადის“ - ადვოკატი

„დავით კირკიტაძე წაყენებულ ბრალს არ აღიარებს და მშრალ შიმშილობაზე გადადის“ - ადვოკატი

დავით კირკიტაძეს ბრალი ოფიციალურად წარუდგინეს. ამის შესახებ ჟურნალისტებს დავით კირკიტაძის ადვოკატმა გიორგი კონდახიშვილმა კახეთის წინასწარი დაკავების იზოლატორიდან გამოსვლის შემდეგ განუცხადა.

19 დეკ 2018

საქართველოს პირველი პრეზიდენტის შვილი ცოტნე გამსახურდია ზვიად გამსახურდიას მკვლელობის საქმის მიმართ სახალხო დამცველის დამოკიდებულებაზე სოციალურ ქსელში წერს:

საქართველოს პირველი პრეზიდენტის შვილი ცოტნე გამსახურდია ზვიად გამსახურდიას მკვლელობის საქმის მიმართ სახალხო დამცველის დამოკიდებულებაზე სოციალურ ქსელში წერს:

მთავარ პროკურატურაში ჩვენი პროტესტისა და შიმშილობის მეექვსე დღეა. ეგრეთ წოდებული სახალხო დამცველი, ნ. ლომჯარია არ გამოჩენილა, არც მისი ოფისიდან ყოფილა ვინმე.

 

აქვე მინდა გითხრათ, რომ ჩვენ დაახლოებით ნახევარი წლის უკან მივმართეთ და შევხვდით ნ. ლომჯარიას ამ საქმის მასალებისა და გამოძიების მიმდინარეობის შესწავლის თხოვნით. საქმე შეისწავლეს სახალხო დამცველის ოფისის იურისტებმა ჯერ კიდევ ოქტომბრის დასაწყისში, მაგრამ დასკვნა არ ჩანს! გამოძიების დახურვას ელოდებიან?

 

ალბათ ლგბტ პირი ან მარიხუანას ლეგალიზაციისთვის მებრძოლი უნდა იყო, რომ მათ ყურადღება მოგაქციონ. ასევე მრავალჯერ ვცადე ნ. ლომჯარიასთან ტელეფონით დაკავშირება, მაგრამ - სრული იგნორი. ეტყობა, თავის მფარველის, გახარიას დირექტივებს ელოდება!“ - წერს ცოტნე გამსახურდია.

 

 

 

შეგახსენებთ, რომ 14 დეკემბერს კონსტანტინე და ცოტნე გამსახურდიებმა ზვიად გამსახურდიას საქმის დაუყოვნებლივ გამოძიების მოთხოვნით პროკურატურის მისაღებში შიმშილობა დაიწყეს.

19 დეკ 2018

მინისტრის გარეშე იარაღს ვერავინ გამოიტანდა - სოსო რობაქიძე ირაკლი ოქრუაშვილის პასუხისგებაში მიცემას ითხოვს

მინისტრის გარეშე იარაღს ვერავინ გამოიტანდა - სოსო რობაქიძე ირაკლი ოქრუაშვილის პასუხისგებაში მიცემას ითხოვს

ბუტა რობაქიძის მამა სოსო რობაქიძე კიდევ რამდენიმე ყოფილ მაღალჩინოსანს ასახელებს, რომელტა პასუხისგებაში მიცემასაც ითხოვს. რობაქიძის თქმით, მინისტრის გარეშე იარაღს ვერავინ ჩადებდა შესაბამისად უნდა მოხდეს ირაკლი ოქრუაშვილის პასუხისმგებლობის საკითხის დაყენება. 

 

გარდა ოქრუაშვილისა რობაქიძე კიდევ რამდენიმე მაღალჩინოსნის დაკავებას ითხოვს.

 

"დავასახელე რამდენიმე ადამიანი, ეს არის ბედია, ქუთაისის მთავარი პროკურორი ბექა ბეჟუაშვილი, წერეთელი და ღვინიაშვილი. ოქრუაშვილის ნაწილში მნიშვნელობის ნაწილში, იმ დროს ის იყო მინისტრი და ვერავინ მინისტრის გარეშე იარაღს რომელსაც ნომერი არ აქვს, ვერ გამოიტანს. ლევან გვაზავა, რომელიც მონაწილეობდა და დანაშაულის ადგილზეა ნამყოფი და ლევან გვაზავაც აგებს პასუხს,"-აცხადებს რობაქიძე. 

19 დეკ 2018

ილია მეორე ზაზა სარალიძეს შეხვდა

ილია მეორე ზაზა სარალიძეს შეხვდა

"შვილი ლოცულობს მისთვის, დედისთვის, ოჯახისთვის და ვულოცავთ ამ ბედნიერ დღეს“, - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ დღეს სიონის ღვთისმშობლის მიძინების სახელობის საპატრიარქო ტაძარში ქადაგებისას ბრძანა.

19 დეკ 2018

საფრანგეთმა საქართველოს მოქალაქეებისთვის სამუშაო კვოტები გამოყო

საფრანგეთმა საქართველოს მოქალაქეებისთვის სამუშაო კვოტები გამოყო

საფრანგეთის ეროვნულმა ასამბლეამ „საქართველოს მთავრობასა და საფრანგეთის მთავრობას შორის კვალიფიციური სპეციალისტების ბინადრობისა და ცირკულარული მიგრაციის შესახებ“ ხელმოწერილი შეთანხმების რატიფიცირება მოახდინა.

19 დეკ 2018

„ვაკავებთ ყველა ადამიანს, განურჩევლად მათი პოლიტიკური შეხედულებისა“

„ვაკავებთ ყველა ადამიანს, განურჩევლად მათი პოლიტიკური შეხედულებისა“

შს მინისტრის მოადგილე, ნათია მეზვრიშვილი არ გამორიცხავს, რომ ველისციხის დაპირისპირებაში მონაწილეობის გამო, ბრალდებულების წრე გაფართოვდეს. როგორც ნათია მეზვრიშვილი ამბობს, სამინისტროს მიკერძოებულობაზე საუბარი აბსურდია. მისი თქმით, დააკავებენ ყველა პირს, ვინც დანაშაულში იქნება ბრალდებული.

19 დეკ 2018

53 წლის გურული ხეზე ცხოვრობს, მშვილდ-ისრით ნადირობს და საცოლეს ეძებს

53 წლის გურული ხეზე ცხოვრობს, მშვილდ-ისრით ნადირობს და საცოლეს ეძებს

მსოფლიოში ყველაზე ღარიბი ადამიანი, რომელიც ცოლის მოყვანაზე ოცნებობს.

18 დეკ 2018

ზოდიაქოს 4 ნიშანი, რომლებსაც 2019 წელი ბედნიერებას მოუტანს

ზოდიაქოს 4 ნიშანი, რომლებსაც 2019 წელი ბედნიერებას მოუტანს

ყველას უყვარს ახალი წელი. თითოეული ჩვენგანი დიდი სიხარულით ველით 2019 წლის მოახლოებას, ახალი იმედებითა და უკეთესი მომავლის მოლოდინით.

18 დეკ 2018

ადევნების ფაქტი რუსთავში.

ადევნების ფაქტი რუსთავში.

ადევნების კიდევ ერთი ფაქტი რუსთავში.

18 დეკ 2018