რატომ უნდა გამოიყენოთ მზისგან დამცავი სათვალე

2019.07.27 10:45:37
რატომ უნდა გამოიყენოთ მზისგან დამცავი სათვალე

გახსოვდეთ, მზის სხივები მავნებელია არა მხოლოდ კანის, არამედ თვალებისთვისაც. თვალის ბროლზე მოხვედრისას მათ შესაძლოა კატარაქტის განვითარება გამოიწვიონ. ულტრაიისფერი სხივების პირდაპირი ზემოქმედება შენელებული მოქმედების ნაღმია მხედველობისათვის, მავნე შედეგებს ადამიანები ხშირად მოგვიანებით ეჯახებიან და იმკიან. შესაბამისად, ძალიან მნიშვნელოვანია მზის დამცავი სათვალის გამოყენება. 

მუქი სათვალე უნდა გეკეთოთ არა მხოლოდ გარუჯვის, არამედ ცურვის დროსაც, რადგან სხივები არა მხოლოდ ხვდება თვალებში, არამედ აირეკლება წყლის ზედაპირზე, რომელიც ლინზებივით "მუშაობს". როგორც სპეციალისტები ირწმუნებიან, ცურვის დროს ადამიანები იღებენ ინსოლაციას, რამდენჯერმე გაძლიერებულს. 

 

 

წყარო: მკურნალი