შპს „დინ გრუპი“ ფართოვდება

2017.09.12 11:43:08
შპს „დინ გრუპი“ ფართოვდება

 „აწარმოე საქართველოში“ პროგრამის მხარდაჭერით, კიდევ ერთი კომპანია შპს „დინ გრუპი“ ფართოვდება.

 

საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ დახმარებით კომპანია ბეტონის წარმოებას დაიწყებს.  

 

შპს „დინ გრუპი“ 2014 წელს დაარსდა და მის საქმიანობას ბეტონის ტრანსპორტირება და რეალიზაცია წარმოადგენს. 2015 წლიდან დღემდე კომპანია საექსკავაციო სამუშაოებით, გზების კაპიტალური რეაბილიტაციით, ქვაფენილების მოწყობით, ახალი საკანალიზაციო და სანიაღვრე ქსელების მოწყობით იყო დაკავებული.

 

სააგენტოს „აწარმოე საქართველოში“ პროგრამის ფარგლებში  კომპანია თავად შეძლებს ბეტონის წარმოებას და ადგილობრივი ბაზრის მომარაგებას. ამ ეტაპზე, კომპანიაში 40-ზე მეტი ადამიანია დასაქმებული. ახალი საწარმოს ამოქმედების პირველ ეტაპზე დამატებით 15 ადამიანი დასაქმდება.