"კენგურუ" - "ბაღანა" ქართულ ბაზარზე გამოჩნდა

2017.07.15 12:54:45
"კენგურუ" - "ბაღანა" ქართულ ბაზარზე გამოჩნდა

ბაზარზე ქართული წარმოების "კენგურუ", ე.წ. სლინგი - "ბაღანა" გამოჩნდა. კომპანიამ ბავშვის ჩასასმელების გაყიდვა რამდენიმე კვირის წინ დაიწყო. 

 

იდეის ავტორი და კომპანიის ხელმძღვანელი თინათინ გახოკიძე "საქმის კურსთან" ამბობს, რომ ქართული წარმოების ბავშვის ჩასასმელი ამერიკულ და ევროპულ ანალოგებს ხარისხით არ ჩამოუვარდება, ფასი კი ბევრად დაბალია. როგორც მწარმოებელი ამბობს, სლინგი კენგურუზე ბევრად კომფორტული და იაფია. მისი მთავარი კოზირი ის არის, რომ ბავშვთან ერთად გადაადგილება უფრო მარტივია, ამასთან სიმძიმე მთელს სხეულზე ნაწილდება, რის გამოც პროცესი ნაკლებად დამღლელია. 

 

"ბაღანა" 0-დან 2- წლამდე ბავშვებისთვის არის განკუთვნილი. პროდუტი თურქეთიდან ჩამოტანილი ქსოვილებით თბილისში იკერება და ამჟამად მხოლოდ Facebook-ის მეშვეობით იყიდება. სამომავლოდ, კომპანია ვებ-გვერდის შექმნასაც აპირებს. 

 

წყარო: www.bm.ge