„ჩვენ ვაგრძელებთ ტრადიციას“- კომპანია ნიკალას დაარსების ისტორია

„ჩვენ ვაგრძელებთ ტრადიციას“- კომპანია ნიკალას  დაარსების ისტორია

„ჩვენ ვაგრძელებთ ტრადიციას“- სლოგანის ქვეშ გაერთიანებული  კომპანია „ნიკალას“ დაარსების ისტორია brandnews-ისგან.

15 მარ 2019

კომპანია წნული- ახალი ქართული ბრენდი

კომპანია წნული- ახალი ქართული ბრენდი

სოციალური მისიიის მქონე საწარმო "წნული" 2016 წელს, კასპის შშმ პირთა კავშირის ბაზაზე დაფუძნდა.

14 მარ 2019

უნიკალური იდეიდან უნიკალურ ღვინომდე - კომპანია "ნიკალა"-ს დაარსების ისტორია

უნიკალური იდეიდან უნიკალურ ღვინომდე - კომპანია "ნიკალა"-ს  დაარსების ისტორია

 Brandnews-ი გთავაზობთ ღვინის კომპანია „ნიკალა“-ს შექმნისა და განვითარების ისტორიას. მოგიყვებით თუ რა უპირატესობა და ღირსება გაჩნია  და როგორ ინარჩუნებს ის ღირსეული, ქართული ღვინის ბრენდის სტატუსს.

 

ბაზრის სიახლე, ახალი ღვინის კომპანია  „ნიკალა“ 2016  წელს დაარსდა და აერთიანებს ორ ბრენდს- „ბალავარი“ (ევროპული ტიპის ღვინოები) და „ნიკალას მარანი“ (ქვევრის ტრადიციული ღვინოები). კომპანიის დამაარსებელი და სულის ჩამდგმელი ნიკოლოზ ბენიაიძე და ვეფხვია ჩარგეიშვილია. 

დეტალურ ინფორმაცია „ნიკალას“ შესახებ, თავად კომპანიის წარმომადგენელმა მოგვაწოდა.

 

 

კომპანიის სახელწოდებას საკუთარი ისტორია გააჩნია. როგორც კომპანიის წარმომადგენლებმა აღნიშნეს, ერთერთი დანფუძნებლის ვეფხვია ჩარგეიშვილის სურვილით, ბრენდს „ნიკალა“ დამფუძნებლის ნიკოლოზ ბენიაიძის საპატივსაცემოდ დაერქვა. ასევე სახელწოდებაზე დიდი ზეგავლენა იქონია ნიკო ფიროსმანის სამშობლომ, სოფელ ფიროსმანმა, სადაც „ნიკალას“ კუთვნლი ვენახების ნაწილია გაშენებული.

 

 კომპანია 3 წლისაა, თუმცა საფუძვლად მეღვინეობის და მევენახეობის მრავალწლიანი გამოცდილება აქვს.  მისი დაარსება ნიკოლოზ ბენიაიძის ყურძნისადმი განსაკუთრებულმა სიყვარულმა  განაპირობა. წლების მანძილზე დაწყებული ფიქრი, შრომა და იდეა დღეს უკვე რეალობადაა ქცეული. როგორც ღვინის კომპანიაში აღნიშნეს, კარგი, ნამდვილი ქართული, გემოვნებიანი ღვინის დამზადებას არაერთი ფაქტორი განაპირობებს. აქ მნიშვნელოვან როლს თამაშობს როგორც მიწის ნიადაგი და ჰავა, ასევე თითეული ადამიანის მიდგომა, რომელიც ღვინის დამზადებაში იღებს მონაწილებას. 

 

„ვაზის კულტურისადმი განსაკუთრებული სიყვარული კომპანიის დამფუძნებლის - ნიკოლოზ ბენიაიძის ბავშვობიდან იწყება, როდესაც ის უფროსებს ეხმარებოდა ვენახის მოვლასა და რთველში. 90-იან წლებში მან  პროფესიულ დონეზე დაიწყო მევენახეობა-მეღვინეობის შესწავლა. მაშინ, როდესაც მეღვინეობის და მევენახეობის მრავალწლიანი კულტურა დაკარგვის პირას იყო მისული და ხალხმა მძიმე ეკონომიკური პირობების გამო, გაჩეხილი ვენახების ადგილას მარცვლეული კულტურების მოყვანას მიჰყო ხელი, ნიკოლოზ ბენიაიძე  მეგობრებთან ერთად შეუდგა მიტოვებული ვენახების აღდგენას, მოგვიანებით კი დაიწყო სხვადასხვა ჯიშის ყურძნის ნამყენის გამოყვანა და ახალი ვენახების გაშენება.“

 

უამრავი ღვინის კომპანიის ფონზე, ალბათ საინტერესოა მკითხველისთვის, რითი გამოირჩევა „ნიკალა“, რა არის მისი უპირატესობა, რა ხდის მას უნიკალურს და რა სეგმენტზეა გათვლილი. 

 

„კომპანიის მიზანია მეღვინეობის ქართული ტრადიციების ღირსეულად წარმოჩენა როგორც საქართველოში, ასევე საერთაშორისო ასპარეზზე. 

ჩვენ საუკუნოვან ქვევრებს ახალი სიცოცხლე შევძინეთ და ამით მათი ხასიათი, განვლილი წლების ისტორია და სიბრძნე ღვინოში გავაცოცხლეთ. ვამყობთ, რომ ღვინის აკვნად წოდებული ქვეყნის - საქართველოს, ღირსეული წარმომადგენლები ვართ ღვინის სექტორში.

აღსანიშნავია ისიც, რომ აქცენტი არ გაგვიკეთებია იმაზე, თუ ვინ უნდა ყოფილიყო კონკრეტულად ჩვენი ღვინის მომხმარებელი. საშუალება მივეცით ყველას, რომ დააგემოვნონ ის უნიკალური ღვინო, რომელსაც ჩვენ სიყვარულით და დიდი შრომის შედეგად ვაწვდით მათ. აქედან გამომდინარე, მომხმარებელი იქნება, როგორც უბრალო ღვინის მოყვარული ასევე პროფესიონალი შემფასებელი, რადგან ტრადიციული და თანამედროვე მეთოდოლოგიების ოქროს თანაფარდობის შერწყმით, ჩვენთან მაღალი ხარისხის ღვინო მზადდება. ის გათვლილია როგორც ქართველი ასევე უცხოელი მომხმარებლისათვის.“

 

30 ჰექტარზე გაშენეული ვენახი, რომლისგან 3 ჰექტარი ბიო ვენახს უკავია, ზღვის დონიდან 350 მეტრზე მდებარეობს. საფერავის, რქაწითელისა და მწვანე ჯიშის ყურძენით დამზადებული ტრადიციული და ევროპული ტიპის ღვინოებს, ალაზნის ველის ნიადაგი განსაკუთრებულს ხდის. გამორჩეულია „ნიკალას “ ღვინო, რადგან მასზე განსაკუთრებულ გავლენას კლიმატური პირობები ახდენს, რაც თავისებურ გემოს და არომატს აძლევს სასმელს.

 

„ალაზნის ველი, მილარის ტერიტორია განსაკუთრებული გეოგრაფიული და კლიმატური პირობების გამო,  მევენახეობისათვის უნიკალური ტერუარია. აქ,  საქართველოს ერთ-ერთ ყველაზე ცხელ ადგილას ერთმანეთს კონტრასტულად ერწყმის მაღალი ტემპერატურა, კავკასიონიდან მონაბერი გრილი ნიავი და ალაზნის მუდმივი ტენი, რომელიც ნამისა და ცვრის სახით მუდმივად ნარჩუნდება მდინარის პერპენდიკულარულად გაშენებულ ვენახში. ალაზნის ველი გამორჩეულად ნაყოფიერია. შავმიწა და ყავისფერი ნიადაგი კი, ქვიშნარი სტრუქტურის გამო, დიდხანს ინარჩუნებს ვაზისათვის აუცილებელ სითბოს გრილი ღამის მანძილზე.  ასე იქმნება უნიკალური მიკროკლიმატი განსაკუთრებული, ერთდროულად მაღალმჟავიანი და თან შაქრის მაღალი შემცველობის მქონე საღვინე ყურძნის მოსაყვანად.“

 

შეუძლებელია არ აღინიშნოს ის, რომ ნიკალას უპირატესობა და ღირსება ისტორიულ ჰერეთში შექმნილი საუკუნოვანი ქვევრებია, რომლებიც დამზადებულია ცნობილი ქვევრის ოსტატების- ჩუბინიძეებისა და სხვა საგვარეულოების დამღებით. ამ დროისთვის ნიკალას მარანში 100-მდე ასეთი ქვევრია თავმოყრილი.

 

„ეს უნიკალური ჭურჭელი ყურძნის წვენს გადასცემს თავის მრავალსაუკუნოვან მოგონებებს, ტრადიციულ ხასიათსა და სიბრძნეს, რის გამოც მაჭარი გამორჩეული არომატის მქონე სასმლად ღვინდება. 

ისტორიულ, მრავალსაუკუნოვან ქვევრებში და თანამედროვე საღვინე ჭურჭელში დადუღებულ ღვინოზე ზრუნავენ ის პროფესიონალები, რომლებსაც შეუძლიათ ოქროს თანაფარდობის დაცვა ტრადიციული  და თანამედროვე მეთოდების შერწყმისას. 

მიგვაჩნია, რომ  ეს მიდგომები საშუალებას მოგვცემს დავაინტერესოთ ადგილობრივი ბაზარი და მოვიპოვოთ  ჩვენი მომხმარებლების ნდობა და სიყვარული. კომპანია ასევე გეგმავს ძველი ჯიშების აღდგენას და ღვინის მოყვარულთათვის, მათგან ნაწარმოები ღვინის შეთავაზებას. ვფიქრობთ, რომ ქართული ღვინის 8000 წლიან ტრადიციას ღირსეულად ვაგრძელებთ, საქართველოს და საერთაშორისო ასპარეზზე  ღვინის აკვნად წოდებულ ქვეყანას - საქართველოს პატივითა და სიამაყით წამოვადგენთ.“

 

ნიკალას ორივე ღვინის დაგემოვნება უკვე შესაძლებელია თბილისის რამოდენიმე რესტორანში. უახლოეს მომავალში კი,  „ბალავარის“ და „ნიკალას მარნის“ ღვინოების შეძენა შესაძლებელი იქნება სპეციალიზირებულ ალკოჰოლური სასმელების მაღაზიებში. 

 

შეუძლებელია არ აღინიშოს ის ფაქტი, რომ "ნიკალა"-ს ღვინო უკვე დააგემოვნა ცნობილმა მსახიობმა, რეჟისორმა და აღმოსავლური ორთაბრძოლების ოსტატმა დოლფ ლუნდგრენმა.

 

 

 

ავტორი: ქეთა მელიქიშვილი

28 თებ 2019

"შირაქი"- ახალი ქართული ბრენდი

"შირაქი"- ახალი ქართული ბრენდი

ამიერკავკასიაში ერთადერთი ბიო პროდუქტის მწარმოებელი კომპანია "შირაქი" 2007 წელს გამოჩნდა ბაზარზე და მას შემდეგ თავის მომხმარებელს ნატურალური და ჯანსაღი რძის პროდუქტებით ამარაგებს.

15 თებ 2019

ახალი ქართული პურის ბრენდი ,,მზეთამზე,,

ახალი ქართული პურის ბრენდი ,,მზეთამზე,,

მზეთამზე“ ქართული პურის ბრენდია, რომელიც პროექტ „გემოვანის“ მხარდაჭერით ხორციელდება.

05 დეკ 2018

ქართველებმა შექმნეს საათი, რომელიც დაბინძურებულ ჰაერს ზომავს

ქართველებმა შექმნეს საათი, რომელიც დაბინძურებულ ჰაერს ზომავს

ქართველმა სტარტაპერებმა შექმნეს პირველი ქართული წარმოების საათი Airadi, რომელიც დაბინძურებულ ჰაერს ზომავს. ინფორმაციას Navigator-ი ავრცელებს.

17 ოქტ 2018

სამკერვალო სტუდია "ინსპირაცია" ქართულ ბაზარზე გამოჩნდა

სამკერვალო სტუდია "ინსპირაცია" ქართულ ბაზარზე გამოჩნდა

ორი თვეა, რაც ქართულ ბაზარზე ტანსაცმლის შოურუმი და სამკერვალო სტუდია „ინსპირაცია“ გამოჩნდა. აღნიშნული საქმიანობა 35 წლის საზოგადოებასთან ურთიერთობის სპეციალისტმა – მარიამ კალანდაძე-ჭყონიამ დაიწყო. „ინსპირაციაში“ თავისუფალი სტილის (ე.წ. Street Style) ტანისამოსისა თუ კლასიკური ტანსაცმლის შეძენა და შეკერვაა შესაძლებელი. მარიამის თქმით, მომხმარებელი, რომელსაც მოწონს „ინსპირაციას“ ტანისამოსი, არის პიროვნულად თავისუფალი, ან მისი ჩაცმისას იგრძნობს ამას.

16 ოქტ 2018

„ნინიმო“ – ხელნაკეთი ფეხსაცმელების ახალი ქართული ბრენდი

„ნინიმო“ – ხელნაკეთი ფეხსაცმელების ახალი ქართული ბრენდი

„მესამე-მეოთხე კლასში ბლოკნოტი მქონდა, რომელსაც ერქვა „ნინიმო“ და ეს იყო ბლოკნოტ-მაღაზია.

20 თებ 2018

,,მე მქვია თავისუფლება'' - უმაღლესი ხარისხის ბრენდი CROSTY

,,მე მქვია თავისუფლება'' - უმაღლესი ხარისხის ბრენდი CROSTY

ფეხსაცმლების ქართული ბრენდი CROSTY 2015 წელს შეიქმნა.

14 თებ 2018