ჟირაფი ჟოზე- ქართული შემეცნებითი ანიმაცია, რომელმაც საზოგადოების გული უკვე მოიგო

2017.10.11 13:32:57
ჟირაფი ჟოზე- ქართული შემეცნებითი ანიმაცია, რომელმაც საზოგადოების გული უკვე მოიგო

„მხიარულ მათემატიკას სწავლობს ბიჭი ჟოზე, შენც ისწავლე ჩემთან ერთად, რაღას უცდი, დროზე!“

 

ჟირაფი ჟოზე – ანიმაციური პერსონაჟია, რომელიც მღერის მხიარულ და შემეცნებით სიმღერებს. ჯერჯერობით, ბაღში დადის და ბავშვებთან ერთად სწავლობს იმ პროგრამით, რაც სკოლამდელი ასაკისთვის არის განკუთვნილი: ფერების ცნობა, ცხოველები და ფრინველები, ათამდე დათვლა, გეომეტრიული ფიგურები და ა.შ. ჟოზე სტუდია „ველოსიპედის“ ანიმატორთა ჯგუფის მიერ, მუდმივად ცვალებად სივრცეში შექმნილი, სრულიად ქართული პროდუქტია და მის მიზანს პატარებისთვის ზოგადი განათლების მიღება, მათი ფანტაზიისა და სხვა საჭირო უნარ-ჩვევების განვითარება წარმოადგენს. ანიმაცია რომ საუკეთესო გზაა ბავშვებთან ინფორმაციის მისატანად, ამას ჟოზეს პირველი სერიის – „მხიარული მათემატიკის“ მნახველთა 6 000 000-მდე რაოდენობა მოწმობს.